आईसीटी समाचार
राइड शेयरिङको विरोधमा गण्डकी प्रदेशका यातायात व्यवसायीले आन्दोलन सुरू गरेका छन् ।
गण्डकी प्रदेश सरकारले राइड शेयरिङलाई मान्यता दिन कार्यविधि बनाउन लागेपछि गण्डकी प्रदेशका सार्वजनिक यातायात व्यवसायीले आन्दोलन थालेका हुन् ।
महासंघसँग आबद्ध व्यवसायीले बिहीबार पोखरामा गुड्ने सार्वजनिक सवारी, ट्याक्सी र लामो दूरीका बस १ घण्टा सडकमै राखेर विरोध जनाएका थिए ।
व्यवसायीले गण्डकी प्रदेशको मुख्यमन्त्री कार्यालय र भौतिक पूर्वाधार विकास तथा यातायात मन्त्रालय आसपास आफ्ना सवारी १ घण्टा रोकेर राखेका थिए ।
व्यवसायीले भौतिक पूर्वाधार विकास तथा यातायात मन्त्रालयलाई आफ्नो सातबुँदे माग समेत बुझाएका थिए ।
