आईसीटी समाचार
ट्विटरको चर्चित ब्लू बर्ड लोगो आरआर अक्सनमा ३४ हजार ३७५ डलरमा बिक्री भएको छ । एलन मस्क ट्विटर (अहिलेको एक्स) को मालिक बनेर एक्समा नाम परिवर्तन गरेपछि ब्लू बर्ड लोगो कम्पनीको अघिल्लो स्यान फ्रान्सिस्को हेडक्वार्टरबाट हटाइएको थियो ।
लोगोको तौल ५६० पाउन्ड (२५४ किलोग्राम) थियो । आरआर अक्सनले ‘दुर्लभ र संग्रहणीय वस्तुहरू’ मा कारोबार गर्ने काम गर्दै आएको छ । यद्यपि, कम्पनीले खरिदकर्ताको पहिचान भने खुलाएको छैन् ।
टेस्लाका सीईओ मस्कले २०२२ मा ४४ अर्ब डलरमा एक्स (पहिलेको ट्विटर) किनेका थिए । तर, फिडेलिटी इन्भेस्टमेन्ट्सजस्ता लगानीकर्ताहरूले अधिग्रहणपछि विज्ञापनदाताहरूलाई टिकाइ राख्न ट्विटरले भोगेको समस्याका कारण आफ्नो लगानीको मूल्यमा भारी गिरावट गरेका थिए ।
मस्कको लक्ष्य ट्विटरलाई ‘एभरीथिङ एप’ मा रूपान्तरण गर्नेछ । त्यसै अनुसार उनले ट्विटरलाई एक्समा परिवर्तन गरेका थिए । ब्लूमबर्गको फेब्रुअरी रिपोर्टअनुसार एक्स सामाजिक सञ्जाल प्लेटफर्मले लगानीकर्ताहरूबाट ४४ अर्ब डलर संकलन गर्ने विषयमा छलफल गरिरहेको छ ।
यी चर्चाहरू त्यतिबेला भएएको थियो, जतिबेला डोनाल्ड ट्रम्पको अमेरिकी राष्ट्रपति चुनावमा विजयपछि मस्कका अन्य व्यवसायहरूको मूल्य आकाशिएको थियो ।
मस्कले यसअघि पनि ट्विटरका विभिन्न वस्तुहरू बिक्रीका लागि राखेका थिए, जसमा लोगो, सम्झनालायक वस्तुहरू, अफिस फर्निचर र किचनवेयर जस्ता सामान्य वस्तुहरू समावेश थिए ।
यसअघि एप्पल–१ कम्प्युटर, एक्सेसरीहरूसहित ३ लाख ७५ हजार डलरमा, स्टिभ जब्सले १९७६ मा साइन गरेको चेक १ लाख १२ हजार ५४ डलरमा र पहिलो पुस्ताको आईफोन ८७ लाख ५१४ डलरमा बिक्री भएको थियो ।
