आईसीटी समाचार
आगामी माघ २५ गतेदेखि २९ गतेसम्म काठमाडौंमा क्यान इन्फोटेक २०२४ आयोजना हुने भएको छ ।
क्यान महासंघको आयोजनामा काठमाडौंको भृकुटिमण्डपमा सूचना तथा सञ्चार प्रविधि सम्बन्धि वृहत प्रदर्शनी हुने भएको हो ।
मेलामा सूचना तथा सञ्चार प्रविधि सम्बन्धि राष्ट्रिय तथा अन्तर्राष्ट्रिय कम्पनीका विभिन्न सफ्टवेयर, प्रडक्ट, स्टार्टअप, डिभाइस लगायतका स्टल रहने छन् ।
क्यान इन्फोटेकमा अवलोकनर्ताले देश–विदेशका सफ्टवेयर, नेटवर्किङ तथा क्लाउड सोलुसन, मोबाइल फोन तथा सोलुसन, इलेक्ट्रिकल तथा इलेक्ट्रोनिक्स र सेक्युरिटी सोलुसन पाउनसक्ने छन् ।
साथै ल्यापटप तथा डेस्कटप कम्प्युटर, प्रिन्टर, पावर सिस्टम, कम्प्युटर एक्सेसरिज, एन्टिभाइरस सफ्टवेयर, बैंकिङ सोलुसन, सीसीटिभी पनि प्रदर्शनीमा उपलब्ध हुने जनाएको छ । मेलामा अवलोकनकर्ताले सामान खरिदमा छुट समेत पाउने छन् ।
