आईसीटी समाचार
ह्वाट्सएपले ब्याकअपका लागि पासकी सुविधा विस्तार गर्न थालेको छ । प्रयोगकर्ताहरूका लागि सुरक्षा थप सुदृढ बनाउने कम्पनीले नयाँ कदम चालेको हो ।
यो नयाँ सुविधा लागू भएपछि प्रयोगकर्ताहरूका च्याट, फोटो, भ्वाइस नोट्स लगायत सबै ब्याकअप सामग्रीमा थप सुरक्षा तह प्रदान हुनेछ ।
पासकी प्रणालीको विशेषता भनेको प्रयोगकर्ताले अर्को पासवर्ड वा इन्क्रिप्सन की सम्झनु नपर्ने हो । यसको सट्टा, प्रयोगकर्ताले आफ्नो फिङ्गरप्रिन्ट, फेस स्क्यान वा केही उपकरणहरूमा स्क्रिन लक कोडमार्फत सहजै डेटा पहुँच गर्न सक्छन् ।
यो सुविधा क्रमशः विश्वभरका प्रयोगकर्तासम्म पुग्ने क्रममा छ, तर सबैसम्म पुग्न केही हप्ता लाग्नेछ । ह्वाट्सएपजस्तो विश्वव्यापी विशाल प्लेटफर्ममा क्रमिक रूपमा अपडेट लागू गरिँदैछ।
अपडेटपछि प्रयोगकर्ताले Settings → Account → Passkeys मा गई यो सुविधा सक्रिय गर्न सक्नेछन्।ह्वाट्सएपका अनुसार, यो सुविधा पहिले नै विद्यमान अन्त्यदेखि अन्त्यसम्म इन्क्रिप्सन प्रणालीमा थप सुरक्षा तहका रूपमा आउनेछ ।
ह्वाट्सएपले सन् २०२१ देखि ब्याकअपहरू इन्क्रिप्टेड राख्दै आएको हो, र पासकी समर्थन सन् २०२४ मा सुरु गरिएको थियो।
यस नयाँ अपडेटसँगै ह्वाट्सएपले प्रयोगकर्ताको डेटा गोपनीयता र सुरक्षामा आफ्नो प्रतिबद्धता अझ बलियो बनाएको छ ।
