आईसीटी समाचार
फेस (अनुहार) तथा भ्वाइस (आवाज) डिपफेक पत्ता लगाउन युट्युबले नयाँ टुलमाथि काम गर्न थालेको छ । बिहीबार युट्युबले व्यक्तिको अनुहार वा आवाज प्रयोग गरेर एआई-उत्पन्न सामग्री पत्ता लगाउने टुलमा काम गर्न थालेको जानकारी दिएको हो ।
यस टुलको पाइलट कार्यक्रम अर्को वर्षको सुरूबाटै सुरु हुनेछ । तर कहिले सार्वजनिक हुन्छ त्यसको बारेमा कुनै जानकारी दिएको छैन् ।
फेस डिटेक्सन टुलले मानिसहरूलाई उनीहरूको फेसको एआई डिपिक्सन ‘पत्ता लगाउन र व्यवस्थापन’ गर्न दिनेछ ।
यस टुलले क्रियटर, एक्टर, म्युजिसियन र एथलेटिक्सलाई डिपफेक भिडियो फेला पार्न र के गर्ने भनेर छनौट गर्न अनुमति दिने युट्युबले जनाएको छ ।
यसका साथै ‘सिन्थेटिक सिङ्गिङ आइडेन्टिफिकेसन’ कन्टेन्ट आईडी युट्युबको स्वचालित आईपी सुरक्षाको भाग हुनेछ ।
एआईले मानिसको रचनात्मकतालाई प्रतिस्थापन गर्ने नभएर त्यसलाई बढाउनु पर्नेमा विश्वास गर्ने युट्युबका क्रिएटर उत्पादनका उपाध्यक्ष अमजद हनिफले एक ब्लग पोष्टमा भनेका छन् ।
