आईसीटी समाचार
चिनियाँ ब्राण्ड ह्वावेले आफ्नो नयाँ फोल्डेबल स्मार्टफोन ह्वावे मेट एक्स फाइभ सार्वजनिक गरेको छ । ह्वावे मेट एक्स फाइभ ह्वावे मलमा सार्वजनिक गरिएको हो ।
ह्वावेको फोल्ड फोन बाहिरी भागमा ६.४ इन्चको अोएलइडी एलटीपिओ डिस्प्लेसहित आउँछ भने भित्री भागमा ७.८५ इन्चको फोल्ड गर्न मिल्ने ओएलइडी एलटीपिओ डिस्प्लेसमेत फोनमा रहेको छ । फोनमा १६ जीबी र्याम र ५१२ जीबी स्टोरेज छ ।
ह्वावे मेट एक्स फाइभ दुई भेरियन्टमा ल्याइएको छ, जसमा १२ जीबी र्याम प्लस ५१२ जीबी स्टोरेज र १६ जीबी र्याम प्लस ५१२ जीबी स्टोरेज रहेको छ । यसलाई फेदर ब्ल्याक, फेदर ह्वाइट, फेदर गोल्ड, ग्रीन माउन्टेन र फ्यान्टम पर्पल जस्ता कलर विकल्पहरूमा खरिद गर्न सकिन्छ ।
कम्पनीले ह्वावे मेट एक्स फाइभ कलेक्टरको संस्करण पनि ल्याएको छ, जुन १६ जीबी र्याम, ५१२ जीबी भण्डारण र १ टीबी स्टोरेजमा आउनेछ । फोनहरूको मूल्य अझै सार्वजनिक भएको छैन् । यन्त्रहरू सेप्टेम्बर १५ देखि बिक्रीको लागि सार्वजनिक हुनेछ । कम्पनीले विश्वव्यापी उपलब्धताको बारेमा केही बताएको छैन् ।
ह्वावे मेट एक्स फाइभको फ्रन्ट डिस्प्ले, जुन ६.४ इन्च छ, २५०४ १०८० पिक्सेल रिजोल्युसन हुन्छ । भित्रको ७.८५ इन्च फोल्डेबल डिस्प्लेमा २४९६*२२२४ पिक्सेलको रिजोल्युसन छ । दुवै डिस्प्लेमा १२० हर्ट्जसम्मको रिफ्रेस दर दिइएको छ । फोनमा साइड फेसिङ फिंगरप्रिन्ट सेन्सर छ ।
कम्पनीले फोनको प्रोसेसरबारे केही बताएको छैन् । यस कारण, उपकरणको फाइभजी जडानको बारेमा कुनै जानकारी छैन् । ह्वावे मेट एक्स फाइभले अगाडि ८ मेगापिक्सेल क्यामेरा र पछाडि ५० मेगापिक्सेल मुख्य सेन्सर राखेको छ । यी बाहेक फोनमा १३ एमपी अल्ट्रा वाइड लेन्स र १२ एमपी पेरिस्कोप लेन्स दिइएको छ ।
५०६० एमएएच ब्याट्री समर्थनको साथ फोन आउँदैछ । साथै यस डिभाइसमा ६६ वाट वायर्ड र ५० वाट वायरलेस चार्जिङ सपोर्ट सुविधा उपलब्ध छ । फोन डुअल स्याटेलाइट कनेक्टिभिटीको साथ आउँछ, जसको मतलब यसले स्याटेलाइट नेटवर्कलाई पनि सपोर्ट गर्छ ।
