मंगलबार, १४ मङ्सिर, २०७८
Tuesday, 30 November, 2021

बिद्यालयमा ब्रोडव्यान्ड इन्टरनेटः स्थानीय तहलाई १५ दिनभित्र सम्पर्क गर्न प्राधिकरणको अनुरोध


सरकारले मुलुकभरका आधारभूत बिद्यालयहरुमा ब्रोडव्यान्ड इन्टरनेट पुर्याउने योजनालाई अगाडि बढाएको छ ।
सरकारले घोषणा गरेअनुसार उपत्यका काठमाडौंका तीन जिल्लाबाहेक सबै जिल्लाका आधारभूत बिद्यालयमा ब्रोडव्यान्ड इन्टरनेट पु¥याउन भन्दै नियामक निकाय नेपाल दूरसञ्चार प्राधिकरणले योजना अगाडि बढाएको छ । 
प्राधिकरणले तीन जिल्लाबाहेकका स्थानीय तहहरुलाई उक्त परियोजनामा हस्ताक्षर गर्ने कार्यक्रम रहेकाले १५ दिनभित्र सम्पर्क गर्न अनुरोध गरेको छ । 
‘यो सूचना प्रकाशित भएको १५ दिनभित्र प्राधिकरणमा सम्पर्क गर्न अनुरोध गरिन्छ,’ सूचनामा भनिएको छ । 
भूकम्प अति प्रभावित ८ जिल्लाहरु काभ्रेपलाञ्चोक, सिन्धुपाल्चोक, रसुवा, दोलखा, सिन्धुली, रामेछाप र ओखलढुंगा र काठमाडौं उपत्यकाबाहेकका ६६ जिल्लाका सबै आधारभूत बिद्यालयहरुमा ग्रामिण दूरसञ्चार विकास कोष प्रयोग गरेर ब्रोडव्यान्ड इन्टरनेट पुर्याउने घोषणा भएको छ । 
उक्त घोषणाअनुसार ब्रोडव्यान्ड इन्टरनेट जडान र सञ्चालन गर्न सबै स्थानीय तहसँग समझदार पत्रमा हस्ताक्षर गर्न प्राधिकरणले सूचना जारी गरेको हो । 


 

सम्बन्धित समाचार