आईसीटी समाचार
दराजले बुधबारदेखि ‘दराजमल फेस्टिभल’ शुरू गरेको छ । भदौ २ गतेदेखि भदौ ८ गतेसम्म दराज मल फेस्टिभल सञ्चालन हुनेछ ।
यस योजना अन्तर्गत ग्राहकले एड टु कार्ट, वेलकम गिफ्ट, मेगा भौचर, बैंक कार्डमार्फत अनलाइनको अग्रिम भुक्तानीमा १५ प्रतिशत (५०० रुपैयाँसम्म) छुट पाउन सक्ने छन् ।
दराजले दराजमल फेस्टिभलमा बम्पर उपहारको पनि व्यवस्था गरेको छ । जसमा साओमी एमआई ११ एक्स प्रो ५ जी तथा निःशुल्क डेलिभरी लगायतका थुप्रै पुरस्कार जित्ने अवसर छ ।
दराजमलमा ३०० बढी राष्ट्रिय तथा अन्तर्राष्ट्रिय ब्रान्डहरु खरिद गर्दा बैंकको डेबिट र क्रेडिट कार्डबाट अग्रिम भुक्तानीमा १५ प्रतिशत छुट पाउन सक्ने दराजले जनाएको छ ।
बैंकको डेबिट र क्रेडिट कार्ड प्रयोग गर्ने दिनहरु पनि दराजले छुट्याएको छ । जसअन्तर्गत सोमबार सानिमा बैंकको क्रेडिट कार्डबाट १५ प्रतिशत र डेबिट कार्डबाट १० प्रतिशत छुट पाउन सकिन्छ ।
बुधबार एनआईसी एशिया बैंकको क्रेडिट कार्डबाट १५ प्रतिशत र डेबिट कार्डबाट १० प्रतिशत छुट पाउन सकिने दराजले जनाएको छ ।
यसैगरी, बिहीबार माछापुच्छ्रे बैंक, मेगा बैंक र हिमालय बैंकका ग्राहकले कार्डमार्फत भुक्तानी गर्दा छुट पाउने छन् भने शुक्रबार नबिल बैंकमार्फत अधिकतम १० प्रतिशत र शनिबार स्टान्डर्ड चार्टर्ड बैंकमार्फत अधिकतम ५०० रुपैयाँ छुट पाइने कम्पनीले जनाएको छ ।
यस्तै, पहिलोपटक भिसा कार्डमार्फत भुक्तानी गर्ने दराजका ग्राहकले २० प्रतिशतसम्म छुट पाउने भएका छन् भने भिसा डेबिट कार्डमार्फत अग्रिम भुक्तानी गरेमा १५ प्रतिशत छुट पाइने दराजले जनाएको छ ।
दराजको यस योजनामा एनआईसी एशिया, सनराइज, सिटिजन्स र माछापुच्छ्रे बैंकका ग्राहकले सजिलो मासिक किस्ता सेवामार्फत सपिङको सुविधा पाउने छन् । यसैगरी, दराजमार्फत विभिन्न कम्पनीले ४० प्रतिशतदेखि ६५ प्रतिशतसम्मको छुटको प्रस्ताव गरेका छन् ।
यस योजनामा सहभागीलाई दराजले बम्पर उपहारको पनि व्यवस्था गरेको छ । जसमा ग्राहकहरुले ६४ हजार ९९९ मूल्यको साओमी एमआई११ एक्स प्रो फाइभ जी मोबाइल बम्पर उपहारको रुपमा जित्ने छन् ।
