कार्ड प्रयोग गरेर भुक्तानी गर्ने स्वात्तै घटे

मुलुकमा डिजिटल भुक्तानीका विभिन्न माध्यम आइरहेको बेला कार्ड प्रयोग गरेर किनमेलको लागि भुक्तानी गर्नेको संख्या स्वात्तै घटेको छ ।

गत आर्थिक वर्षको असार महिनामा कार्ड प्रयोग गरेर सामान किन्न भुक्तानी रकम २९ करोड ६० लाख रुपयाँ भएको छ । जब कि गत आर्थिक वर्षको पहिलो महिनामै कार्ड प्रयोग गरेर किनमेल गरेको रकम १ अर्ब २० करोड १० लाख रुपैयाँ थियो ।

टान्जेक्सन संख्या पनि गत वर्षको पहिलो महिनामा १ लाख ६८ हजार रहेकोमा अन्तिम महिनामा ५२ हजारमा झरेको छ ।

यस हिसाबले हेर्दा वर्षदिनभित्रमा कार्ड प्रयोग गरेर सामान किन्ने रकम ७५ प्रतिशतले घटेको छ । गत वर्षका हरेक महिनामा कार्डबाट भुक्तानी रकम उतरचढाव देखिन्छ ।

साउनमा १ अर्ब माथि भुक्तानी भएकोमा भदौमा ५६ करोडमा झरेको छ । त्यसपछिका महिनामा पनि थपघट हुदै फागुनमा १ अबै नाघेको छ भने त्यसपछि स्वात्तै घटेर १६ करोड १० लाखमा झरेको छ ।