आईसीटी समाचार
नेपालबाट सन् २०२२ मा करिब ५१५ मिलियन अमेरिकी डलर अर्थात ६७ अर्ब ६६ करोड ८४ लाख नेपाली रूपैयाँको सूचना प्रविधि सेवा निर्यात भएको छ ।
सर्वांगीन विकास अध्ययन केन्द्र (आईआईडीएस) को नेतृत्वमा भएको अध्ययनले १ वर्षमा ६७ अर्ब बढीको सूचना प्रविधि सेवा निर्यात भएको देखाएको हो ।
सन् २०२२ मा १०६ वटा सूचना प्रविधि कम्पनी र६६ हजार ५०९ फ्रिल्यान्सरले ६७ अर्ब बढीको सेवा निर्यात गरेका हुन् ।
आईटी कम्पनीले सन् २०२२ मा २०१ मिलियन, आईटी फ्रिल्यान्सरले ६९ मिलयन र सूचना प्रविधि सेवा इनेबल सर्भिस (आईटीईएस) फ्रिल्यान्सरले २४४ मिलियन अमेरिकी डलर बराबरसेवा सेवा निर्यात गरेको अध्ययनमा उल्लेख छ ।
सन् २०२१ को भन्दा सूचना प्रविधि सेवा निर्यात ६४.२ प्रतिशतले वृद्धि भएको छ । सन् २०२१ मा ३१३ मिलियन अमेरिकी डलर बराबरको आईटी सेवा निर्यात भएको थियो । यस्तै सन् २०२० मा ३०८ मिलियन अमेरिकी डलर बराबरको आईटी सेवा नेपालबाट निर्यात भएको थियो ।
आईआईडीएसले प्राइमरी डेटाको रूपमा ३८९ फ्रिल्यान्सर र ८६ आईटी कम्पनीको सहभागीतामा उक्त अध्ययन गरेको थियो । यस बाहेक १०० बढी सरोकारवालासँग परामर्स समेत गरिएको थियो ।
सेकेन्डरी डेटाको रूपमा नेपाल राष्ट्र बैंक, आन्तरिक राजस्व विभाग, राष्ट्रिय तथ्यांक कार्यालय, कम्पनी रजिष्टारको कार्यालय र अनलाइन लबर इन्डेक्सको तथ्यांकलाई लिइएको थियो ।
