आईसीटी समाचार
एलन मस्कको स्वामित्वमा रहेको एक्स (पहिले ट्विटर) ले प्रयोगकर्ताहरूका लागि धेरै नयाँ सुविधाहरू प्रस्तुत गर्दै आएको छ । कम्पनीले हरेक महिना प्लेटफर्ममा केही नयाँ फिचर थपिरहेको छ । अब नयाँ फिचरमा भेरिफाइड प्रयोगकर्ताहरूले मात्र पोस्टहरूमा कमेन्ट गर्न सक्षम हुनेछन् ।
सरल भाषामा, अब ब्लू सदस्यता नभएका प्रयोगकर्ताहरूले एक्समा प्रमाणित प्रोफाइल प्रयोगकर्ताहरूको पोस्टहरूमा कमेन्ट गर्न सक्ने छैनन । यो नयाँ सुविधा अब एन्ड्रोइड, आईओएस र वेब सहित सबै प्लेटफर्महरूमा उपलब्ध भएको छ ।
यसका साथै केहि महिना अघि एक्स सीईओ लिन्डा याकारिनोले भिडियो च्याट फिचर प्लेटफर्ममा आउन लागेको जानकारी दिएकी थिइन । यसले साथी र फलोअरसँग भिडियो कल साथै १० व्यक्तिहरूसँग सामूहिक भिडियो कल गर्न अनुमति दिने सम्भावना छ । यो सुविधा प्रत्यक्ष सन्देश (डिएम) खण्डमा उपलब्ध हुनेछ ।
