आईसीटी समाचार
स फ्टवेरिका कलेजले विगत एक दशक देखि नेपालमा आइटी शिक्षा प्रदान गरिरहेको छ । बेलायतको कोभेन्ट्री विश्वविद्यालयबाट मान्यता प्राप्त कलेजले हाल ब्याचलरमा ३ वर्षे २ वटा कोर्ष सञ्चालन गरिरहेको छ ।
यो वर्ष कोरोना महामारीले शैक्षिक शत्र केही ढिला हुन गयो र ब्याचलर्सका कोर्षहरु भर्खर शुरु हुने तयारीमा छन् ।
ब्याचलरका कोर्षहरु भर्खर शुरू हुने तयारी हुँदा कलेजको तयारी कस्तो छ, कस्ता कस्ता कोर्ष पढाइ हुन्छन्, शूल्क कति छ लगायतका विषयमा सफ्टवेरिका कलेजका विजनेस डाइरेक्टर अमृत थापा सँग आइसिटी समाचारका लागि कमल केसी ले गरेको कुराकानीः
कोरोना महामारीको समयमा कोर्ष र कलेज कसरी सञ्चालन गर्नुभयो ?
कोरोना महामारीको समयमा हामीले नियमित क्लास जस्तै अनलाइनबाटै कक्षा सञ्चालन गरेका थियौं । अनलाइन कक्षाका लागि सफ्टवेरिका कलेज आफैले विकास गरेको ‘क्याम्पस ४.०’ नामक लर्निङ म्यानेजमेन्ट सिस्टम सफ्टवेयर प्रयोग गरेका थियौं ।
साथै हामीले कोरोना महामारीको समयमा भर्चुअल रुपमा नै कलेज सञ्चालन गरेका थियौं ।
यस वर्षको स्नातक तहका कोर्षहरु भर्खरै सुरु हुने तयारीमा छन्, यसमा तपाईहरुको के कस्तो तयारी रहेको छ ?
यो वर्ष हामीले अनलाइन र अफलाइन दुबै माध्यमबाट कक्षा सञ्चालन गर्छौं । हामीले अहिले ७० प्रतिशत उपस्थिति अनिवार्य गरेका छौं, जुन पहिलो ८० प्रतिशत उपस्थिति अनिवार्य थियो । हामी पूर्ण रूपमा सामाजिक दूरी कायम गरी कक्षा सञ्चालन गर्छौं ।
हाल हामीले १२० जना विद्यार्थी बसेर पढ्न सक्ने, असाइमेन्ट गर्न सक्ने, का गर्न र प्रोजेक्ट गर्न मिल्ने गरी आउटडोर स्पेश तयार भइरहेको छ । अब एकहप्ता जतिमा त्यो स्पेस ओपन हुन्छ होला । नयाँ आउने ब्याचका लागि हामीले राम्रो तयारी गरिरहेका छौं ।
सफ्टवेरिका कलेजमा कुन कुन कोर्षहरु पढाइ हुन्छन् र कसले पढ्न पाउँछन् ?
हामीसँग अहिले बीएससी अर्नस इन कम्प्युटिङ र बीएससी अनर्स इन इथिकल ह्याकिङ एण्ड साइबर सेक्युरिटी गरी दुईओटा कोर्ष छन् ।
यी कोर्ष पढ्नका लागि सबैभन्दा पहिले कक्षा १२ पास भएको हुनुपर्छ । अनि कलेजले एउटा प्रवेश परिक्षा लिन्छ । उक्त प्रवेश परिक्षामा पनि पास हुनुपर्छ । त्यसपछि सफ्टवेरिका कलेजमा अध्ययन गर्न सकिन्छ ।
नयाँ ब्याचको चार वर्षे कार्यक्रम कसरी सन्तुलन गर्नुहुन्छ ?
सफ्टवेरिका कलेज बेलायतको कोभेन्ट्री विश्वविद्यालयबाट सम्बन्धन प्राप्त संस्था हो । कोभेन्ट्री विश्वविद्यालय विश्वका उत्कृष्ट ५०० विश्वविद्यालय भित्र पर्छ ।
युकेको एजुकेसन सबै ३ वर्षको हुन्छ । सफ्टवेरिका कलेजमा पनि ३ वर्षको कोर्ष नै पढाई हुन्छ । जुन नेपालको ४ वर्षको कोर्ष बराबर हो ।
कोरोना महामारीले गर्दा हामीले जुन कठिनाईहरु भोग्यौं त्यस्तो समस्यासँग जुध्नको लागि हामीले क्याम्पस ४.०. लर्निङ प्लेटफर्मको विकास गर्यौं । अब हामी फुल फेजमै कक्षा सञ्चालन गर्नका लागि तयारी छौं । आर्टिफिसियल इन्टेलिजेन्स, मसिन लर्निङ, इन्टरनेट अफ थिंस, एप्लकेसन डेभल्पमेन्ट, सेक्युरिटी लगायतका विषयमा स्पेसिलाइजेसन गर्न सकिन्छ हाम्रो कोर्षमा ।
नयाँ भर्ना हुने विद्यार्थीका लागि कुनै छूट, छात्रवृत्ति तथा अफर केही छ ?
सफ्टवेरिका कलेजमा २५ प्रतिशत देखि शतप्रतिशत सम्म स्कलरसीप (छात्रवृत्ति) को व्यवस्था छ । यो स्कलरसीप हामीले फस्ट सेमिस्टरको अंकको आधारमा दिने गरेका छौं ।
सफ्टवेरिका कलेजमा कक्षा १२ पास गरेर आउँदा भन्दा पनि विद्यार्थीको फस्ट सेमस्टरको मार्क्सको आधारमा सेकेण्ड सेमस्टरबाट २५ देखि १०० प्रतिशतसम्म स्कलरसीपको व्यवस्था छ ।
हामीसँग कम्प्युटिङ र साइबर सेक्युरिटीको कोर्षमा कूल २०० सीट संख्या रहेको छ । जसमा ५१ जना विद्यार्थीले स्कलरसीप पाउछन् ।
यो वर्ष कोर्षहरुमा केही परिमार्जित गरिएको छ ?
हामीले कोभेन्ट्री विश्वविद्यालयको पाठ्यक्रम पढाउने भएकाले विश्वविद्यालयले पाठ्यक्रम परिमार्जित गर्ने बित्तिकै हामी पनि नयाँ पाठ्यक्रम अनुसार पढाउँछौं ।
यो वर्ष पनि हामीले कम्प्युटिङ र साइबर सेक्युरिटीमा नयाँ पाठ्यक्रम रन गरिरहेका छौं । हामी सिस्कोको पनि एकेडेमीक पार्टनर हौं । त्यसैगरी हामी इथिकल ह्याकिङ काउन्सील युकेको पनि एकेडेमीक पार्टनर हौं ।
हामीले एकेडेमीक सँगसँगै विद्यार्थीलाई प्रमाणपत्रहरु पनि दिइरहेका छौं । त्यस्तै रोबोटिक्स, एआई सम्बन्धि सेमिनारहरु समेत हामीले गरिरहेका हुन्छौं ।
साथै हामीले उत्कृष्ट परियोजनालाई पाँच लाख सम्म अनुदान दिन्छौं । हामीले विद्यार्थीहरुलाई विश्वविद्यालयको निःशुल्क भ्रमण समेत गराउँछौं । जस अन्तरगत सन् २०२१ मा १० जना विद्यार्थी जाँदैं छन् ।
कजेजको एडमिसन प्रक्रिया र शुल्क बारे केही जानकारी गराइदिनुस न ।
विद्यार्थीहरुले भर्ना (एडमिसन) पक्रियाको बारेमा कलेजको वेबसाइट बाटै जानकारी लिन सक्छन् । सफ्टवेरिका कलेजको फी भनेको करिब ११ लाख ६५ हजार रुपैयाँको रेञ्जमा रहेको छ ।
यसमा विश्वविद्यालयको फी देखि सबै कुरा समावेश रहेको छ । यसमा विद्यार्थीले आफ्नो पर्फरमेन्सको आधारमा स्कलरसीप पाउँछन् ।
अन्त्यमा, कलेजले तयार पारेको क्याम्पस ४.० सफ्टवेयरमा के के सुविधा छन् ?
हामीले तयार गरेको क्याम्पस ४.० अन्तर्राष्ट्रिय प्लेटफर्म कोर्सेरा, फ्युचर लर्न लेभलकै हो । यस सफ्टवेयरबाट सबै कुरा ट्रयाक हुन्छ । तपाईले कति मिनेट पढनुभयो, तपाई कुन जोनमा हुनुहुन्छ, तपाईको एटेन्डेन्सले रिजल्टलाई सपोर्ट गरेको छ की छैन्, कति पढ्नुभयो, पढेको कुरा कहाँ छुट्यो त्यो पनि ट्रयाक हुन्छ ।
यसमा तपाई नपढेर र नबुझेर अगाडी बढ्न सक्नुहुन्न । पढेको हरेक २-३ हप्तामा टेष्ट हुन्छ । यदि तपाईले टेष्ट राम्रो गर्नुभएन भने फेरी थप क्लास लिएर रिपिट पढाइन्छ । त्यसपछि मात्रै तपाई अगाडी बड्दै जानुहुन्छ ।
एलएमएसमा हामीले भिडियो ट्युटोरियलहरु पनि बनाएर राखेका छौं । यदि विद्यार्थीले बुझेको छैन भने प्रश्न रेज गर्न पाउँछ र त्यसको छुट्टै भिडियो ट्युटोरियल हुन्छ ।
