आईसीटी समाचार
बिगत केही वर्षदेखि नेपालमा आइटी लगायतका अन्य शिक्षा प्रदान गरिरहेको छ । सम्वृद्धि ग्रुप अन्तरगत सञ्चालन भएको सम्वृद्धि कलेज त्रिभुवन विश्वविद्यालयबाट सम्बन्धन प्राप्त संस्था हो । सम्वृद्धि ग्रुप अन्तरगत सम्वृद्धि कलेजसँगै सम्वद्धि स्कूल र काठमाडौं विजनेस क्याम्पस पनि सञ्चालनमा रहेका छन् ।
सम्वृद्धि कलेजले हाल ब्याचलरमा त्रिभुवन विश्वविद्यालयका बीएससी सीएसआईटी र बीसीए, बीबीएस र बीएसडब्लु कार्यक्रम सञ्चालन गरिरहेको छ ।
यो वर्ष कोरोना महामारीले शैक्षिक शत्र केही ढिला हुन गयो र ब्याचलर्सका कोर्षहरु भर्खर शुरु हुने तयारीमा छन् । अहिले कलेजहरु विद्यार्थी भर्ना प्रक्रियामा रहेका छन् ।
ब्याचलरका कोर्षहरु भर्खर शुरू हुने तयारी हुँदा कलेजको तयारी कस्तो छ, कस्ता कस्ता कोर्ष पढाइ हुन्छन्, शूल्क कति छ लगायतका विषयमा सम्वृद्धि ग्रुपका प्रमुख कार्यकारी अधिकृत (सीईओ) नरेश प्रसाद श्रेष्ठ सँग आइसिटी समाचारका लागि कमल केसी ले गरेको कुराकानीः
कोरोना महामारीको समयमा कोर्ष र कलेज कसरी सञ्चालन गर्नुभयो ?
कोरोना महामारीको समयमा हामीले अनलाइनबाटै कक्षा र कलेज सञ्चालन गर्यौं । हामीसँग अनलाइन बाहेक अरु बिकल्प भएन । हामीले अनलाइनबाट कक्षा सञ्चालन गर्न जूम, गूगल क्लासरुम लगायतका सफ्टवेयरको प्रयोग गरेका थियौं ।
नेपालमा लकडाउन शुरु भएको एक हप्तापछि विद्यार्थीहरुलाई त्यतिकै राख्नु हुँदैन भनेर गूगल क्लासरूम प्रयोग गरेर हामीले सम्वृद्धि स्कूलको क्लास शुरु गरिसकेका थियौं ।
बैशाखमा आईसकेपछि हामीले अनलाइनबाटै नतिजा प्रकाशित गर्यौं र बैशाख १२ गतेदेखि हामीले अनलाइनबाटै पढाउन थालिसकेका थियौं । त्यसपछि हामीले सम्वृद्धि कलेजका विद्यार्थीहरुलाई अनलाइनबाटै पढाउन थाल्यौं ।
यस वर्षको स्नातक तहका कोर्षहरु भर्खरै सुरु हुने तयारीमा छन्, यसमा तपाईहरुको के कस्तो तयारी रहेको छ ?
सम्वृद्धि कलेजमा ब्याचर्सका कोर्षहरु बीएससी सीएसआईटी, बीसीए, बीएसडब्लु, बीबीएस सञ्चालनमा रहेका छन् । हामीले यी कोर्षमा भर्नाको तयारी गरिरहेका छौं ।
बीएससी सीएसआईटी र बीसीए कोर्षका लागि अहिले हामीले मोक टेष्ट समेत गराइरहेका छौं । त्यस्तै यो वर्षदेखि हामीले काठमाडौं विजनेस क्याम्पसको नाममा बालाजुमा नयाँ कलेज सञ्चालन गर्दैं छौं ।
त्यहाँ हामीले बीसीए र बीबीएस कार्यक्रम सञ्चालन गर्दैछौं । बीसीएका लागि मोक टेष्ट गराउने लगायतका काम भइरहेको छ ।
सम्वृद्धि कलेजमा कुन कुन कोर्षहरु पढाइ हुन्छन् र कसले पढ्न पाउँछन् ?
सम्वृद्धि कलेजमा बीएससी सीएसआईटी, बीसीए, बीएसडब्लु, बीबीएस कोर्षहरु पढाई हुन्छ । बीएससी सीएसआईटी पढ्न प्लस टु पास गरेको र साइन्स ब्याकग्राउण्डबाट हुनुपर्छ । अनि यो बीसीए चाही जुनसुकै फ्याकल्टीको विद्यार्थीले पनि पढ्न पाउँछन् ।
बीएससी सीएसआईटी र बीसीए पढ्नका लागि त्रिभुवन विश्वविद्यालयले लिएको प्रवेश परिक्षामा समेत पास हुनुपर्छ । भने बीएसडब्लु र बीबीएस कोर्ष पढ्न चाही जसले पनि पढ्न पाउँछ । त्यसमा प्रवेश परिक्षाको व्यवस्था गरिएको छैन् ।
नयाँ ब्याचको कोर्ष कसरी सन्तुलन गर्नुहुन्छ ?
अब नयाँ ब्याचको कोर्षहरु कसरी सन्तुलन गर्ने भन्ने कुरा चाही त्रिभुवन विश्वविद्यालयले नै निर्देशन दिन्छ । कहिलेसम्म शैक्षिक शत्र सक्ने, त्यो सेड्युल चाही उहाँहरुले नै दिनुहुन्छ । त्यसमा आधारित भएर हामीले नयाँ ब्याचका कोर्षहरु सन्तुलन गर्छौं ।
हामीले कसरी लाने भनेर आन्तरिक तयारी गरिसकेका छौं । त्रिभुवन विश्वविद्यालयले जुन एउटा फ्रेमवर्क दिन्छ त्यो भित्र हाम्रो योजनालाई राख्न मात्रै बाँकी छ ।
नयाँ भर्ना हुने विद्यार्थीका लागि कुनै छूट, छात्रवृत्ति तथा अफर केही छ ?
नयाँ भर्ना हुने विद्यार्थीका लागि हामीले स्कलरसीपको व्यवस्था गरेका छौं । कक्षा ११ र १२ मा ल्याएको ग्रेडको आधारमा पनि हामीले विद्यार्थीलाई छुट दिन्छौं । छुट बाहेक हामीले कजेलमा सेन्टर फर आन्टरप्रेनरसीप र सेन्टर फर करियर डेभलपमेन्ट युनिट बनाएका छौं ।
सम्वृद्धि कलेज र काठमाडौं विजनेस क्याम्पसमा पढ्ने विद्यार्थी ४ वर्षपछि या उद्यामी बन्ने छन् या उनीहरुले खोजेको जब पाउनेछन् । मलाई लाग्छ सम्वृद्धि कलेज र काठमाडौं विजनेस क्याम्पसको विशेषता नै यही हुनेछ ।
यो वर्ष कोर्षहरुमा केही परिमार्जित गरिएको छ ?
यो वर्ष चाही कोर्षमा कुनै परिमार्जन गरिएको छैन् । हामीले विद्यार्थीहरुलाई पाठ्यक्रममा मात्र केन्द्रित नभएर अन्य विविध क्रियाकलापहरु गरिरहेका छौं । हाम्रो कलेजमा पढ्ने विद्यार्थी ४ वर्षपछि की त उद्यमी बन्छन् की त राम्रो आफुले खोजेको जागिर पाउँछन् ।
हामीले कजेलमा सेन्टर फर आन्टरप्रेनरसीप र सेन्टर फर करियर डेभलपमेन्ट युनिट बनाएका छौं । सेन्टर फर आन्टरप्रेनरसीपले विद्यार्थीहरुलाई उद्यमी बन्ने बाटोमा सहयोग पुर्याउँछ । उद्यमीहरुसँग भेटघाट गराउने, उद्यमशीलताको बारेमा सबै तालिमहरु दिने, पढ्दा पढ्दै विजनेस प्लान बनाउन सिकाउने, फन्डिङको सहयोग लगायतका कामहरु सेन्टर फर आन्टरप्रेनरसीप युनिटले गर्छ ।
त्यस्तै हामीसँग सेन्टर फर करियर डेभलपमेन्ट युनिट छ । यसले चाही विद्यार्थीहरुलाई जबमा लानको लागि स्कील डेभलपमेन्ट लगायत गर्नुपर्ने सबै कामहरु गर्छ ।
त्यसैगरी हामीसँग सम्वृद्धि सिस्को नेटवर्किङ एकेडेमी भनेर अर्को युनिट छ । यसले विद्यार्थीहरुलाई सिस्कोको विश्वस्तरिय ट्रेनिङहरु प्रदान गर्छ । जसले गर्दा हाम्रो कलेजमा पढेका विद्यार्थीहरु विश्वब्यापी रुपमा नै जब गर्न सक्षम हुनेछन् ।
कलेजको एडमिसन प्रक्रिया र शुल्क बारे केही जानकारी गराइदिनुस न ।
त्रिभुवन विश्वविद्यालयले दिएको निर्देशन अनुसार नै हामीले एडमिसन पक्रिया अगाडी बढाउँछौं । त्रिभुवन विश्वविद्यालयले फागुन २२ गते बीसीए र फागुन २४ गते बीएससी सीएसआइटीको प्रवेश परिक्षाको मिति तोकेको छ । बीसीए र बीएससी सीएसआईटी पढ्न चाहने विद्यार्थीहरु यो प्रवेश परिक्षामा सहभागी हुनु पर्यौं ।
त्यसपछि नतिजाको आधारमा चाही भर्ना हुन्छ । शुल्कको कुरा गर्दा बीएससी सीएसआईटी र बीसीएको शुल्क ४ लाख ५० हजार रुपैयाँको हाराहारिमा रहेको छ ।
बीएसडब्लु र बीबीएस शुल्क भने १ लाख ९० हजार रुपैयाँको हाराहारिमा पर्न आउँछ । साथै कलेजको वेबसाइटबाट पनि कलेजको बारेमा सम्पूर्ण जानकारी तथा भर्ना पक्रियाको बारेमा पनि जानकारी लिन सकिन्छ ।
