आईसीटी समाचार
मोबाईल भुक्तानी सेवाप्रदायक ‘खल्ती’ र अन्लाईनबाट रेस्टुरेन्टहरुमा पाइने खाना अर्डर लिने र डेलिभरी गर्ने कम्पनी ‘फुडमान्डु’ ले रणनीतिक साझेदारीको घोषणा गरेका छन्।
खल्तीका डाइरेक्टर अमित अग्रवाल र फुडमान्डुका संस्थापक तथा सिईओ मनोहर अधिकारीले यहि पौष १२ गते बिहिबार एक सम्झौतापत्रमा हस्ताक्षर गरेर उक्त साझेदारीको सुरुवात गरेका हुन् । यस साझेदारी पश्चात फुडमान्डुबाट अर्डर गरेको खानाको पैसा खल्तीमार्फत मोबाईलबाटै तिर्न सकिने भएको छ ।
साझेदारीको घोषणा गर्दै खल्तीका निर्देशक अमित अग्रवालले भने,“यस साझेदारी सँगै अन्लाईनबाट खाना अर्डर गर्न रुचाउने ग्राहकहरुले अबखल्तीवालेट प्रयोग गरेरबिना झन्झट मोबाईलबाटै सजिलै पैसा भुक्तानीगर्न सक्नु हुने भएको छ ।
त्यस्तै, फुडमान्डुका संस्थापक तथा सिईओ मनोहर अधिकारीले भने,“हामीखल्तीसँग साझेदारी गरी यसले प्रदानगर्ने डिजिटल भुक्तानी सुविधाहाम्रा सबै ग्राहकमाझ र्पुयाउन पाउँदा उत्साहित छौँ । अब, फुडमान्डुका ग्राहकहरूले भुक्तानी गर्नको लागि नगद पैसामा मात्रै भर पर्नु पर्दैन । खल्तीको डिजिटल भुक्तानी सुविधा सँगै नेपालमा विद्यमानक्यास(अन(डेलिभरी प्रणालीमा हुने झन्झटबाट मुक्तहुने आशा गरेका छौँ ।
नेपालमा पछिल्लो समयमा ई–कमर्स र अन्लाईन किनमेलको ट्रेन्ड ह्वात्तै बढेको छ । यद्यपि, अन्लाईन भुक्तानीमा आशातित वृद्धि हुन सकेको छैन र मानिसहरु अझै पनि नगद भुक्तानीमै भर पर्दै आएका छन् । छिमेकी देशहरू भारत, चीन र बांग्लादेशको तुलनामा नेपाल मोबाइल भुक्तानीको प्रयोगमा धेरै पछाडी छ ।
यस साझेदारीले नेपालीहरुमा अन्लाईन मार्फत सामान खरिद गर्दा मोबाईलबाटै भुक्तानी गर्ने बानीको सुरुवात हुने आशा गरिएको छ । साझेदारी सुरुवातको अफर स्वरुप प्रयोगकर्ताले खल्तीमार्फत फुडमान्डुमा गर्ने प्रत्येक भुक्तानीमा ५% क्यास ब्याक प्राप्त गर्नेछन् ।
सन् २०१० को नोभेम्बरमा सुरु भएको फुडमान्डु काठमाडौंका विभिन्न उत्कृट रेस्टुराँहरूबाट खानाका परिकारहरू घरदैलो सम्म उपलब्ध गराउने एक भरपर्दो र चिरपरिचित सेवाप्रदायक हो ।
फुडमान्डूसँग अहिले काठमाडौँ र ललितपुर वरपरका ३०० भन्दा बढी रेष्टुरेन्ट आवद्ध छन् । जसमा बजेटदेखि प्रीमियम रेञ्जसम्मका छन् । ग्राहकले फुडमान्डुको मोबाईल एप, वेबसाइट र फोनमार्फत खाना र खाजा अर्डर गर्न सक्छन् । पछिल्लो समयमा फुडमान्डुको यो सेवा युवामाभ mनिकै लोकप्रिय छ ।
त्यस्तै, सन् २०१७ को जनावरीमा नेपाली बजारमा आरम्भ भएको खल्ती एक उदयमान र रुचाइएको पेमेन्ट गेटवे हो । खल्ती एप प्रयोग गरी मोबाइल रिचार्ज, बिजुली र पानीको बिल भुक्तानी, इण्टरनेट तथा डीटीएचको बिल भुक्तानी, फिल्म टिकट, प्लेन टिकट, होटेल रुम बुकिङ तथा अन्य थुप्रै सेवाहरु लिन सकिन्छ ।
