ह्वाट्सएपसँग प्रतिस्पर्धा गर्न एक्समा च्याट सुविधा ल्याउँदै एलन मस्क

ह्वाट्सएपसँग प्रतिस्पर्धा गर्न एलन मस्कले एक्समा च्याट सुविधा ल्याउने भएका छन् । एक एक्स प्रयोगकर्ता @P4mui ले एक्स च्याट सुविधाको एउटा स्क्रिनसट शेयर गरेका छन् ।

नयाँ अपडेटपछि साइडबारमा 'मेसेजेज' भन्ने विकल्प देखिनेछ, जसबाट यो नयाँ सुविधा एक्सेस गर्न सकिने छ  । तर हालको एक्स डाइरेक्ट म्यासेजिङमा के सुधार ल्याउछ भन्ने बारे स्पष्ट भने छैन्।

यसमा ग्रोक एआई इन्टेग्रेशन हुने अनुमान गरिएको छ । यस बाहेक केही प्रिमियम सुविधाहरू पनि थपिनेछन् । सुरुवातमा यो सुविधा केवल प्रिमियम ग्राहकहरूका लागि उपलब्ध हुनेछ र पछि यसलाई सबै निःशुल्क प्रयोगकर्ताहरूका लागि रोल आउट गरिने छ ।

एलन मस्कले एक्सको डायरेक्ट म्यासेजिङ प्रणालीलाई ह्वाट्सएप र वीच्याट जस्ता अन्य म्यासेजिङ सेवाहरूको स्तरमा ल्याउने इच्छा व्यक्त गरिसकेका छन् । सम्भवतः उनीहरूले यसलाई पूरै नयाँ तरिकाले विकास गरिरहेका छन् ।

प्रयोगकर्ताहरूले वर्षौँदेखि माग गरिरहेका आवश्यक सुविधाहरू थपिरहेका छन् । अहिले यो स्पष्ट छैन कि यो सुविधा सबैका लागि कहिले उपलब्ध हुनेछ, तर चाँडै नै यसको बीटा परीक्षण सुरु हुन सक्छ ।