वित्तीय संस्थाको सूचना प्रणालीमा अनाधिकृत पहुँच पुऱ्याउन प्रयास गर्ने व्यक्ति पक्राउ

वित्तीय क्षेत्रसँग सम्बन्धित संस्थाको सूचना प्रणालीमा अनाधिकृत पहुँच पुऱ्याउन प्रयास गर्ने व्यक्ति पक्राउ परेका छन् । स्याङ्जा घर भई हाल कास्कीमा बस्ने नवराज लामिछाने पक्राउ परेका हुन् । 

उनले काठमान्डौं स्थित वित्तिय क्षेत्रसंग सम्बन्धित संस्थाको सूचना प्रणालीहरुमा अनाधिकृत रुपमा पहुँच पुऱ्याउने मनसायले लामो समय देखि निरन्तर प्रयास गरिरहेका थिए ।  

प्रदेश प्रहरी कार्यालय गण्डकी र जिल्ला प्रशासन कार्यालय कास्कीको सहयोगमा साइबर ब्यूरोले लामिछानेलाई पक्राउ गरेको हो । 

उनलाई पक्राउ गरी विद्युतीय (इलेक्ट्रोनिक) कारोबार ऐन, २०६३ अन्तर्गतको कसूरमा काठमाडौं जिल्ला अदालतबाट दिन ६ म्याद लिई आवश्यक अनुसन्धान कार्य भइरहेको प्रहरीले जनाएको छ ।