ओप्पो ए७७ का लागि एन्ड्रोइड १४ सार्वजनिक

ओप्पोले आफ्ना प्रयोगकर्ताहरूको अनुभव सुधार गर्न एन्ड्रोइड १४ अपडेट रोल आउट गर्न थालेको छ । ओप्पोले यस अपडेटलाई धेरै महत्त्वपूर्ण परिवर्तनहरू सहित अपडेट गरेको छ ।

फोनमा यो अपडेट प्राप्त गर्नका लागि, प्रयोगकर्ताहरूले फोन CPH2385_13.1.1.550(EX01)संस्करणमा चलिरहेको छ भनी सुनिश्चित गर्नुपर्छ ।

फोन अपडेट गर्नका लागि सबैभन्दा पहिले सेटिङमा जानुपर्छ । यसपछि अबाउट फोनको विकल्पमा जानुपर्नेछ । यस पछि, पृष्ठको शीर्षमा क्लिक गर्नुहोस् र शीर्ष दायाँ आइकनमा क्लिक गर्नुहोस् ।

यहाँ ट्रायल भर्सन, अफिसियल भर्सन विकल्पहरू देखिने छन् र लागू गर्ने विकल्प देखिनेछ । अपरेटिङ सिस्टम अपडेट भएपछि, यसले फोनलाई अप्टिमाइज गर्न थाल्छ । फोन अपडेट गरेपछि प्रयोगकर्ताहरूले फोन तातिने र ढिलो हुने जस्ता समस्याहरू सामना गर्न सक्छन् ।

प्रयोगकर्ताहरूले एक्वामोर्फिक थिम रिङटोन, अलार्म र सूचनाहरू जस्ता सुविधाहरू प्राप्त गर्न सक्छन् । यसमा एआई पावर स्मार्ट टच फिचर देखिनेछ ।  एन्ड्रोइड १४ अपडेटमा सुरक्षासँग सम्बन्धित केही नयाँ सुविधाहरू पनि थपिएका छन् ।