एप्पल एम ४ म्याकबुक प्रो चाँडै सार्वजनिक हुने

एप्पलले आफ्नो म्याकबुक पोर्टफोलियो विस्तार गर्ने योजना बनाएको छ । यस विषयमा विभिन्न जानकारीहरू बाहिर आउन थालेका छन् । पछिल्लो रिपोर्टमा एप्पल एम ४ म्याकबुक प्रोको केही विशेषताहरू र यसको लन्चबारे जानकारी प्राप्त भएको छ । 

एप्पलले एम ४ म्याकबुक प्रोबारे अहिलेसम्म आधिकारिक रूपमा केही पनि भनेको छैन, तर एक टिप्स्टरले यसको लन्चको खुलासा गरेका छन् । उनका अनुसार, अर्को महिनामा नयाँ म्याकबुक मोडललाई प्रिमियम र अपग्रेडेड विशेषताहरूका साथ विश्वभरि लन्च गरिनेछ । यसको एउटा तस्वीर पनि बाहिर आएको छ, र भनिएको छ कि यस नेक्स्ट जेनेरेशनको ल्यापटपमा एप्पल एम४ चिप दिइनेछ ।

एम ४ पावर्ड म्याकबुक प्रोमा १४ इन्चको स्क्रीन उच्च रिजोल्युसन सपोर्टका साथ उपलब्ध हुने सम्भावना छ । यसमा १६ जीबी र्याम र ५१२ जीबी स्टोरेजको सुविधा दिइनेछ । यस लाइनअपको सुरुवाती र्याम १६जीबीको हुनेछ । बेस मोडलमा १० कोर सीपीयू र १० कोर जीपीयू हुनेछ ।

पहिले नै उपलब्ध एप्पलको एमथ्री चिपमा ८ कोर सीपीयू र १० कोर जीपीयू छ । यसबाट स्पष्ट छ कि नेक्स्ट जेनेरेशनको ल्यापटपले परफर्मेन्सको मामिलामा राम्रो काम गर्नेछ । यसमा अपकमिंग मोडलमा तीनवटा थन्डरबोल्ट ४ पोर्ट हुने दावी गरिएको छ, जुन हालको एमथ्री पावर्ड म्याकबुक प्रोभन्दा फरक हुनेछ ।

अक्टोबरमा हुने इभेन्टमा नयाँ एम४ म्याकबुक प्रो मोडलका साथै एप्पलले नयाँ २४ इन्च आईम्याक पनि ल्याउन सक्छ, जसलाई नयाँ तरिकाले डिजाइन गरिनेछ । नेक्स्ट म्याक मिनीलाई एप्पल टिभी सेट–टप बक्सजस्तै कम्प्याक्ट डिजाइनमा ल्याइने अपेक्षा गरिएको छ । यसमा पाँचवटा यूएसबी–सी पोर्ट हुन सक्छ ।