आईसीटी समाचार
अमेरिकी टेक कम्पनीहरूलाई चिनियाँ टेक कम्पनीहरूले एआईको मामिलामा जबरजस्त चुनौती दिइरहेका छन् । डिपसिक एआई पछि अब अर्को चिनियाँ एआई प्लेटफर्म बजारमा प्रवेश गरेको छ। यो एआई किमि के १.५ नामले लञ्च गरिएको छ, जुन तीव्र रूपमा लोकप्रिय बन्दै गएको छ । यस एआई प्लेटफर्मलाई लिएर भनिएको छ कि यो अमेरिकी एआई कम्पनी ओपनएआईको जीपटिी–४० र क्लाउड ३.५ सोनेट भन्दा एडभान्स छ । यहाँ हामी तपाईंलाई यस एआई प्लेटफर्मको विस्तृत जानकारी दिइरहेका छौं ।
किमी के १.५ के हो?
किमी के १.५ चिनियाँ स्टार्टअप कम्पनी मुनसटको एआई प्लेटफर्म हो । यो कम्पनीले भर्खरै सार्वजनिक गरेको हो । यसलाई प्रयोगकर्ताका कुनै पनि प्रश्नको जवाफ दिनका लागि डिजाइन गरिएको छ । यसको सीधा प्रतिस्पर्धा ओपन एआई ०१ सँग छ । भनिएको छ कि यो प्रयोगकर्ताको सोधिएको प्रश्न पहिले बुझ्छ र त्यसपछि मात्र प्रतिक्रिया दिन्छ ।
विशेषता
– प्रश्नहरूको जवाफ दिनुका साथै यो एआई प्लेटफर्म गणितका समस्याहरू समाधान गर्न सक्षम छ ।
– यस एआई मोडेल कोडिङ र अन्य काममा पनि छिटो लोकप्रिय बन्दै गएको छ ।
– यो फोटो र भिडियो बुझ्न सक्ने क्षमतासमेत राख्छ ।
किमी के १.५ एआई मोडेल रिइन्फोर्समेन्ट लर्निङ टेक्नोलोजीमा निर्भर छ, जबकि अन्य एआई मोडेलहरू स्थिर डाटासेटमा आधारित हुन्छन् । यही कारणले गर्दा यो मोडेल तर्क सम्बन्धी समस्याहरूलाई सजिलै समाधान गर्न सक्छ ।
– यो मोडेल एक्सप्लोरेशन र प्रयोगकर्ताका प्रतिक्रिया मार्फत निरन्तर सिकिरहन्छ ।
– जटिल समस्याहरूलाई साना–साना चरणमा ब्रेक गरेर समाधान गर्छ ।
– यसले तर्क गर्ने क्षमतालाई पनि सुधार गरिरहन्छ ।
– टेक्स्टका साथै यो मोडेल भिजुअल, कोडिङ र विभिन्न प्रकारका फाइल फम्र्याटहरूलाई पनि बुझ्न सक्छ ।
डेभलपरहरूले दाबी गरेका छन् कि किमी के १.५ मोडेल ओपनएआईको जीपीटी–४० र क्लाउड सोनेट ३.५ भन्दा उत्कृष्ट छ ।
के चीन अमेरिका भन्दा अघि बढ्ला?
कहिल्यै अमेरिकी टेक कम्पनीहरूले सरकारी प्रतिबन्धका कारण चिनियाँ कम्पनीहरूलाई एआई चिपसेट र टेक्नोलोजी साझेदारी गर्न मानेका थिएनन्। तर अहिले चिनियाँ कम्पनीहरूले लगातार आफ्ना एआई मोडेलहरू सार्वजनिक गरिरहेका छन् ।
– यी कम्पनीहरूले आफ्ना एआई मोडेलहरू मार्फत अमेरिकी टेक कम्पनीहरूको एआई प्रभुत्वलाई कमजोर बनाइरहेका छन् ।
– चिनियाँ एआई कम्पनीहरूको एआई मोडेलको लागत अमेरिकी कम्पनीहरूको तुलनामा धेरै कम छ ।
– डिपसिक लञ्च हुने बित्तिकै विश्वकै ठूला चिप कम्पनी एनभिडियाका सेयरहरूमा ठूलो गिरावट देखियो ।
