आईसीटी समाचार
अख्तियार दुरूपयोग अनुसन्धान आयोगले सुरक्षण मुद्रण केन्द्रका तत्कालीन कार्यकारी निर्देशक विकल पौडेलविरूद्ध अर्को मुद्दा दायर गरेको छ ।
पदको दुरूपयोग गरी भ्रष्टाचार गरेको आरोपमा पौडेलविरूद्ध अख्तियारले विशेष अदालतमा मुद्दा दायर गरेको हो ।
अख्तियारले पौडेलमाथि ६२ करोड रुपैयाँ गैरकानूनी सम्पत्ति आर्जन गरी सिंगापुर र अमेरिकामा समेत रकम लुकाएको आरोप लगाएको छ ।
मंगलबार मात्रै विशेष अदालतका अध्यक्ष टेकनारायण कुँवर र सदस्य मुरारीबाबु श्रेष्ठको इजलासले सुरक्षण मुद्रण केन्द्र स्थापनामा अनियमितता गरेको ठहर गर्दै उनलाई २ वर्ष कैद र २५ करोड ४७ लाख विगो भराउने र त्यति नै बराबरको जरिवान हुने फैसला गरेको थियो ।
उनीविरूद्धका थप दुई मुद्दा विशेष अदालतमा विचाराधीन छन् । झुटा विवरण पेश गरी सरकारी पदमा पुगेको आरोपमा र सुरक्षण मुद्रण केन्द्रमा अनावश्यक सामान खरिद गरेको आरोपमा अख्तियारले दायर गरेको मुद्दा विचाराधीन छन् ।
