स्नेहा झा
सुविधा र छिटो आपूर्तिका कारण क्विक कमर्सको माग बढ्दैछ । १० देखि ३० मिनेटभित्र खरिदारी पूरा गर्न सकिने यो नयाँ तरिका शहरी ग्राहकहरूको जीवनशैलीको अभिन्न अंग बन्दैछ ।
ग्रोसरीका साथै व्यक्तिगत हेरचाहका सामान र औषधिसम्मको डेलिभरी पनि क्विक कमर्समार्फत सम्भव भएको छ । स्मार्टफोनको बढ्दो प्रयोग र ग्राहकहरूको खरिदारी व्यवहारमा आएको परिवर्तनल ई–कमर्स प्रणालीमा क्विक कमर्सलाई तिव्रता प्रदान गरिरहेको छ ।
क्विक कमर्समार्फत १० मिनेटदेखि २ घण्टाभित्रै सामान ग्राहकको हातमा पुग्छ, जबकि परम्परागत ई–कमर्स प्रणालीमा यो काम गर्न दुईदेखि तीन दिन लाग्छ । डार्क स्टोर वा माइक्रो वेयरहाउस नेटवर्क आधारित हुने भएकाले हाइपर–लोकल स्तरमा आपूर्ति सुनिश्चित हुन्छ ।
व्यस्त शहरी जीवनशैली, बढ्दो आम्दानी, र सुविधा चाहनाका कारण यो क्षेत्र लोकप्रिय बनिरहेको छ । ग्रोसरी आवश्यकतादेखि स्न्याक्ससम्म आज सबै कुरा स्मार्टफोनबाट अर्डर गरी केही मिनेटमै मगाउन सकिन्छ ।
फिनटेक क्षेत्रमा आर्टिफिसियल इन्टेलिजेन्स (एआई) को प्रभावले अन्य धेरै क्षेत्रहरूलाई फाइदा पु¥याएको छ । आर्टिफिसियल इन्टेलिजेन्स (एआई), मेसिन लर्निङ (एमएल), र अटोमेसनले भण्डारण प्रणालीदेखि सञ्चालन, मागको अनुमान, आपूर्ति व्यवस्थापन, र रूट अप्टिमाइजेसनसम्मका काम सजिलो बनाइदिएको छ ।
क्विक कमर्स क्षेत्रले खुद्रा बजार र डी२सी (डायरेक्ट टू कस्टमर) प्रणालीलाई रूपान्तरण गरिरहेको छ । ग्राहकहरूको सुविधा, छिटो सन्तुष्टि, र अन–डिमान्ड डेलिभरी सेवाहरूको बढ्दो मागका कारण यो सम्भव भएको हो ।
ग्रोसरीका अतिरिक्त वेलनेस उत्पादन, उपहार, पालुवा जनावरका सामान, र इलेक्ट्रोनिक्स सामानहरूमा माग बढ्नेछ । नयाँ प्रविधि, एनालिटिक्स, रोबोटिक्स, र ड्रोनको प्रयोगबाट लागत घट्नेछ ।
क्यू–कमर्स विस्तारका ५ कारण
प्रविधिको विकासले मानिसको जीवनशैली एकदमै सहज बनाएको छ । प्रविधिको सहजताले मानिसको माग पनि बढेको छ । फेरि अहिलेको पुस्तालाई जे पनि तत्कालै चाहिन्छ । क्विक कमर्सले माग र आपूर्तीलाई छिटो बनाउन मद्दत गरेको छ ।
यस बाहेक अहिले तीव्र शहरीकरण भइरहेको छ । तीव्र शहरीकरणले क्यू–कमर्सका लागि उपयुक्त वातावरण सिर्जना गरेको छ । क्विक कमर्सको डार्क स्टोर र स्थानीय डेलिभरी हबका कारण कम समयमै यसबाट सामान आपूर्ति गर्न सकिन्छ ।
चुनौतीहरू
क्विक कमर्सका केही चुनौती पनि छन् । गिग वर्कर, डेलिभरी एजेन्टका अधिकार, ग्राहकको डाटा सुरक्षा, र ग्राहक अधिकारजस्ता विषयमा ध्यान दिनुपर्नेछ ।
डार्क स्टोर र विस्तारित डेलिभरी नेटवर्कलाई व्यवस्थित राख्नु चुनौतीपूर्ण छ भने घना बसोबास भएका क्षेत्रहरूमा छिटो आपूर्ति गर्नु चुनौतीपूर्ण हुनेछ ।
