ह्वाट्सएपमा महत्त्वपूर्ण म्यासेज पिन गरेर हाइलाइटमा राख्न मिल्ने फिचर आउँदै

ह्वाट्सएपमा चाँडै नै महत्त्वपूर्ण मेसेज पिन गर्ने सुविधा उपलब्ध हुन लागेको छ । यस फिचरको प्रयोगले उपयोगी सन्देशहरू फेला पार्न सजिलो हुनेछ । 

वाबोटाइनफोको रिपोर्ट अनुसार छिट्टै प्रयोगकर्ताका लागि मेसेजहरु पिन गर्ने सुविधा ल्याइँदैछ । यस फिचरको बारेमा रिपोर्टमा स्क्रिनसट पनि सेयर गरिएको छ ।

जब च्याट ह्वाट्सएपमा पिन गरिन्छ, यो च्याट सूचीको शीर्षमा देखिनेछ । यद्यपी, ह्वाट्सएप प्रयोगकर्ताले एक पटकमा तीनवटा च्याट मात्र पिन गर्न सक्छन् । 

यो नयाँ फिचर ह्वाट्सएप बेटा अपडेट २.२३.२६.९ संस्करणमा फेला परेको छ । ह्वाट्सएपका एन्ड्रोइड बेटा प्रयोगकर्ताहरूले यो सुविधा प्रयोग गर्न सक्ने छन् । 

यो सुविधा आगामी दिनहरूमा ह्वाट्सएपका अन्य प्रयोगकर्ताहरूका लागि रोल आउट हुने जनाइएको छ ।