आईसीटी समाचार
दुनियाँको सबैभन्दा ठूलो सोशल मिडिया कम्पनी मेटालाई लिएर ठूलो खबर बाहिर आएको छ । अमेरिकामा चलिरहेको एन्टिट्रस्ट मुद्दाको सुनुवाइको क्रममा कम्पनीलाई ह्वाट्सएप र इन्स्टाग्राम बेच्नुपर्ने अवस्था आउन सक्छ । मेटासँग फेसबुक, ह्वाट्सएप, इन्स्टाग्राम र थ्रेड्सजस्ता सामाजिक सञ्जालको स्वामित्व छ ।
मेटामाथि अमेरिकी ’कम्पिटिशन एन्ड कन्ज्युमर वाचडग’ ले गम्भीर आरोप लगाएको छ । कम्पनीमाथि प्रतिस्पर्धा समाप्त गर्न र सामाजिक सञ्जाल क्षेत्रमा एकाधिकार जमाउन सन् २०१२ मा करिब १ अर्ब डलरमा इन्स्टाग्राम र सन् २०१४ मा २२ अर्ब डलरमा ह्वाट्सएप किनिएको आरोप छ । साथै, यी कम्पनीहरू खरिद गर्दा ठूलो अनियमितता भएको पनि आरोप लागेको छ ।
आफ्नो प्रतिस्पर्धी स्टार्टअप र कम्पनीहरूलाई किनेर नियम उल्लंघन गरेको हो या होइन भनेर मेटामाथि चलिरहेको मुद्दामा अदालतले निर्णय गर्नेछ । उल्लेखनीय कुरा के छ भने, मेटालाई ह्वाट्सएप र इन्स्टाग्राम किन्न फेडरल ट्रेड कमिशन (एफटीसी) ले नै अनुमति दिएको थियो ।
अमेरिकी नियम अनुसार, एफटीसीले कुनै पनि डिलको परिणामको निगरानी गर्नुपर्ने हुन्छ । मेटाले सामाजिक सञ्जाल बजारमा आफ्नो प्रभुत्व कायम गर्न बुझेनै ह्वाट्सएप र इन्स्टाग्राम किनेको एफटीसीको भनाइ छ । यदि अदालतले एफटीसीको पक्षमा फैसला सुनायो भने, मेटालाई यी दुई कम्पनी बेच्नुपर्नेछ ।
रिपोर्टहरूका अनुसार, मेटामाथिको यो एन्टिट्रस्ट केस ६ हप्तासम्म चल्न सक्छ । यस अवधिमा कम्पनीका सीईओ मार्क जुकरबर्गलाई सोधपुछका लागि बोलाइने सम्भावना छ । साथै, कम्पनीकी पूर्व चीफ अपरेटिङ अफिसर (सीओओ) शेरिल स्यान्डबर्गलाई पनि बयानका लागि बोलाइनेछ ।
मेटाले भनेको छ कि कम्पनीमाथि लागेको एन्टिट्रस्ट मुद्दा सान्दर्भिक छैन् । कम्पनीको भनाइ छ कि हामीले इन्स्टाग्राम र ह्वाट्सएप खरिदपछि प्रयोगकर्ताको अनुभव अझ राम्रो बनाएका छौं । यसरी हामीले प्रतिस्पर्धा समाप्त गरेका होइनौं ।
