कीवर्डहरू -

विद्यार्थीलाई निःशुल्क रूपमा नोट्स तथा किताब उपलब्ध गराउने अनलाइन प्लेटफर्म ‘ईनोट्स नेपाल’

विद्यार्थीलाई निःशुल्क रूपमा नोट्स तथा किताब उपलब्ध गराउने अनलाइन प्लेटफर्म ‘ईनोट्स नेपाल’

विद्यार्थीलाई अनलाइनबाटै नोट्स तथा किताब निःशुल्क उपलब्ध गराउने प्लेटफर्म हो, ईनोट्स नेपाल । अनलाइनबाटै विद्यार्थीका लागि सिकाइ सामग्री उपलब्ध गराउने उद्देश्यसहित १७ वर्षीय दीप विक्रम थापा क्षेत्रीले ई-नोट्स नेपालको सुरूवात गरेका हुन् । 

ईनोट्स नेपालमा अहिले कक्षा ९ देखि १२ सम्मका नोट्स, लोकसेवाको पाठ्यक्रम र केही किताबहरु पीडीएफको रूपमा राखेका छन् । अहिले महिनामा एक लाखभन्दा बढी विद्यार्थीहरूले ई-नोट्स नेपाल प्रयोग गर्दै आएका छन् । 

नेपालमा अझै पनि हजारौं विद्यार्थीहरू गुणस्तरीय अध्ययन सामग्रीको अभावमा संघर्ष गरिरहेका छन् । विशेष गरी, दुर्गम भेगका विद्यार्थीहरू पुस्तक, शिक्षक र उचित स्रोतको अभावमा पछि पर्ने गरेका छन् । यसलाई ध्यानमा राख्दै क्षेत्रीले ईनोट्स नेपाल सुरू गरेका हुन् । 

ई-नोट्स नेपालमा स्थानीय भाषामा अध्ययन सामग्री थप गर्ने, अफलाइन मोड उपलब्ध गराउने, र अन्तर्राष्ट्रिय शैक्षिक संस्थासँग सहकार्य गर्ने योजना बनाइरहेको थापाको भनाइ छ । ई-नोट्स नेपालमा पनि उनले एआईलाई जोड्ने तयारी गरिरहेका छन् । अहिले उनले त्यसमा काम गरिरहेका छन् ।