आईसीटी समाचार
युट्युुबले हालसालै आफ्नो प्लेटफर्ममा सर्ट्स बनाउने भिडियो क्रियटरहरुका लागि रिमिक्स नामको नयाँ फिचर ल्याएको छ । यो सुविधामार्फत, प्रयोगकर्ताहरूले आफ्नो मनपर्ने कलाकारहरूको संगीत भिडियोहरू सर्ट्समा राख्न सक्ने छन् ।
युनिभर्सल म्युजिक ग्रुपले टिकटक भिडियोहरूबाट टेलर स्विफ्ट र एरियाना ग्रान्डे जस्ता लोकप्रिय कलाकारहरूको क्याटलगसहित गीत र भिडियोहरू हटाएको थियो ।
युनिभर्सल म्युजिक ग्रुपले टिकटक विरुद्ध गरेको यो कारबाहीपछि युट्युब शर्ट्सका लागि रिमिक्स फिचर ल्याइएको छ । युट्युबको यो कदमले टिकटकमा छोटो भिडियो बनाउने लाखौं क्रिएटरहरू सर्टमा ट्रान्सफर हुन् सक्ने आशा गरिएको छ ।
युट्युबले एक ब्लग पोष्टमार्फत रिमिक्स प्लेटफर्ममा सर्ट्स सिर्जना गर्ने प्रयोगकर्ताहरूका लागि साउन्ड, ग्रीन स्क्रिन, कट र कोलाब – चार नयाँ टूूलहरु सार्वजनिक गरेको छ । प्रयोगकर्ताहरूले आफ्नो सर्टहरचनात्मक बनाउन यी टूलहरू प्रयोग गरेर उनीहरूको सर्टहरूमा संगीत भिडियोहरू थप्न सक्छन्।
शर्ट्समा उपलब्ध भएको ध्वनि सुविधामार्फत, प्रयोगकर्ताहरूले म्युजिक भिडियोबाट मात्र ध्वनि लिन र आफ्नो छोटो भिडियोका लागि प्रयोग गर्न सक्षम हुनेछन् । यस्तै ग्रिन स्क्रिनबाट सर्टको ब्याकग्राउन्डको रूपमा म्युजिक भिडियो प्रयोग गर्न सकिने छ भने कटबाट छ सेकेन्ड लामो क्लिपहरू काट्न र तिनीहरूलाई आफ्नो सर्ट्समा थप्न सकिने छ ।
यस बाहेक कोलाब सुविधामार्फत प्रयोगकर्ताहरूले म्यूजिक भिडियोहरूसँगै आफ्नै भिडियोहरू सिर्जना गर्न सक्ने छन् ।
