आईसीटी समाचार
हाम्रो पे पब्लिक च्वाइस आइसिटी अवार्ड २०२३ वित्तीय सुपर एप मनिमित्रले प्राप्त गर्न सफल भएको छ । शुक्रबार द सोल्टी काठमाडौंमा आयोजना भएको अपग्राड आइसिटी अवार्ड २०२३ इन एशोशिएसन विथ इन्ड्राइभको ग्राण्ड फिनाले कार्यक्रममा मनिमित्रलाई यस वर्षको पब्लिक च्वाइस आइसिटी अवार्ड प्रदान गरिएको हो ।
आईसीटी अवार्ड २०२३ का उत्कृष्ट १२ स्टार्टअप, १३ राइजिङ स्टार र १४ प्रडक्टमध्येबाट सबैभन्दा धेरै भोट ल्याएर मनिमित्र सफल भएको थियो । सोही अनुसार मनिमित्रलाई पब्लिक च्वाइस आइसिटी अवार्ड २०२३ दिइएको हो ।
मनिमित्र सम्पूर्ण वित्तीय ज्ञान प्रदान गर्ने उद्देश्यले आईडियाप्रेनर नेपाल प्रालिले तयार पारेको प्लेटफर्म हो । फाइनान्सियल सुपर एपको रूपमा अडि बढेको मनिमित्रमा गुरूमन्त्र, ब्रोकर चिरफार, वृद्धि, आइडियाप्रेनर ज्ञान र आइडियाप्रेनर कोर्ष गरी ५ प्रकारका सुविधा उपलब्ध छन् ।
मनिमित्र मोबाइल एप र वेबसाइटबाट प्रयोग गर्न सकिन्छ । मनिमित्र निःशुल्क र सःशुल्क रूपमा प्रयोग गर्न सकिन्छ । निःशुल्क रूपमा सिमित सुविधा मात्रै उपलब्ध छन् भने शुल्क तिरेर आवश्यकता अनुसार थप सुविधा प्रयोग गर्न मिल्छ । हाल मनिमित्र ३६ हजार बढीले प्रयोग गरिरहेका छन् ।
