आईसीटी समाचार
सामसङले आफ्नो ग्राण्ड ग्यालेक्सी अनप्याक्ड इभेन्टमा अत्याधुनिक सुविधासहितको एआई फिचरसहित नयाँ स्मार्टफोन सिरिज अर्थात् ग्यालेक्सी एस २४ सार्वजनिक गरेको छ ।
ग्राहकहरूलाई ग्यालेक्सी एआई सुविधाहरूको साथ नवीनतम वान यूआई ६.१ अपडेट दिइनेछ । यो सुविधा पुराना ग्यालेक्सी एस सिरिज र ग्यालेक्सी जेड सिरिजका केही स्मार्टफोनमा पनि यो एआई फिचर हुनेछ ।
एन्ड्रोइड अथोरिटीको नयाँ रिपोटका अनुसार सामसङले केही पुराना उपकरणहरूमा एआई सुविधाहरूको रोल आउट गर्ने जनाएको छ ।
यो सूचीमा ग्यालेक्सी एस २३ श्रृंखला, ग्यालेक्सी एस २३ एफइ, ग्यालेक्सी जेड फोल्ड फाइभ र फ्ल्पि ५ र ग्यालेक्सी ट्याब एस ९ श्रृंखला समावेश छन् । यस उपकरणले वान यूआई अपडेट मार्फत केही ग्यालेक्सी एआई सुविधाहरू प्राप्त गर्नेछ ।
