आईसीटी समाचार
अल्फाबेट अन्तर्गतको कम्पनी गुगलले आफ्नो सातौँ पुस्ताको आर्टिफिसियल इन्टेलिजेन्स (एआई) चिप ‘आईरनवुड’ सार्वजनिक गरेको छ । यो नयाँ प्रोसेसरलाई विशेष रूपमा एआई एप्लिकेशनहरूको गति बढाउने उद्देश्यले तयार गरिएको हो ।
आयरनवुड चिपले त्यस्ता डाटा प्रोसेसिङ आवश्यकताहरू पूरा गर्छ, जुन प्रयोगकर्ताले च्याटजीपीटी जस्ता एआई टूलहरूमा प्रश्न सोध्दा उत्पन्न हुन्छन् । प्रविधि क्षेत्रमा यस प्रक्रियालाई ‘इन्फरेन्स कम्प्युटिङ’ भनिन्छ — अर्थात् यस्ता चिप्स जुन च्याटबोटमा सोधिएका प्रश्नहरूको जवाफ दिने वा अन्य प्रतिक्रिया जनरेट गर्नका लागि तीव्र गणना गर्छन् ।
गुगलको दशकौं पुरानो र अर्बौं डलरको लगानी रहेको यो प्रयास, एनभिडिया को वर्चस्वलाई चुनौती दिन ल्याइएको केही विकल्पहरूमध्ये एक हो, जसले एआई प्रोसेसर बजारमा नयाँ सम्भावनाहरू खोलिरहेको छ । गुगलका टेन्सर प्रोसेसिङ युनिट्स (टीपीयू) केवल कम्पनीका ईन्जिनियरहरू वा यसको क्लाउड प्लेटफर्ममार्फत मात्र प्रयोग गर्न सकिन्छ । यसले गुगललाई आन्तरिक एआई विकासमा केही प्रतिस्पर्धीहरूमा अग्रता दिलाएको छ ।
गुगलले अघिल्लो टीपीयू चिपहरूलाई दुई भागमा विभाजन गरेको थियो — एक, जुन ठूलो एआई मोडेल ट्रेन्ड गर्न सक्षम हो; अर्को, जुन इन्फरेन्स (एआईको रनटाइम प्रयोग) सस्तो र छिटो बनाओस् । अब नयाँ आईरनवुड चिपले यी दुई विशेषतालाई एउटै चिपमा समेटेको छ ।
आईरनवुड चिपलाई एकसाथ ९,२१६ चिपहरूको समूहमा काम गर्न मिल्ने गरी डिजाइन गरिएको छ । यस चिपमा अघिल्लो पुस्ताको तुलनामा बढी मेमोरी दिइएको छ, जसले गर्दा यो एआई एप्लिकेशन सर्भिङका लागि अझ प्रभावकारी बनेको छ ।
