आईसीटी समाचार
गुगलले सन् २०२० मा नै आफ्नो गुगल म्याप्सको असिस्टेन्ट ड्राइभिङ मोड फिचर बन्द गर्ने घोषणा गरेको थियो र अब यसको समय आएको छ । रिपोर्टका अनुसार गुगल म्याप्सको असिस्टेन्ट ड्राइभिङ मोड फेब्रुअरी २०२४ मा बन्द हुनेछ ।
गुगल म्याप्सको यो सुविधा अन्तर्गत, एपमा ड्यासबोर्ड उपलब्ध थियो जसमा मिडिया सुझावहरू, अडियो कन्ट्रोल र म्याप हेर्न सकिन्छ । यो सुविधा बन्द गर्नुको अर्थ कम्पनीले असिस्टेन्ट ड्राइभिङ मोडलाई एन्ड्रोइड अटोले प्रतिस्थापन गर्न लागेको हो ।
चाँडै प्रयोगकर्ताहरूले गूगल म्यापमा नयाँ प्रयोगकर्ता इन्टरफेस पाउनेछन् । नाइन टू फाइभको रिपोर्ट अनुसार यो सुविधा फेब्रुअरी २०२४ मा हटाइनेछ ।
गुगल म्याप्सको यो सुविधा विशेष गरी कार भएकाहरूका लागि थियो । यसमा सबै प्रकारको जानकारी एकै ठाउँमा उपलब्ध थियो । यसमा प्ले भइरहेको मिडिया, नक्सा र स्ट्रिमिङ एपको विवरण उपलब्ध थियो ।
यो सुविधा बन्द गरेपछि पनि प्रयोगकर्ताहरूले अन्य तरिकाले ड्राइभिङ मोड प्रयोग गर्न सक्नेछन् । यसका लागि उनीहरूले गुगल एप वा गुगल म्यापमा गएर “हे गुगल, लञ्च ड्राइभिङ मोड” भ्वाइस कमाण्ड दिनुपर्नेछ ।
