आईसीटी समाचार
तपाईं सोच्न सक्नुहुन्छ कि शीर्ष एआई सर्जगहरुले आर्टिफिसियल इन्टेलिजेन्सको उपयोग धेरै जटिल तरिकाले गर्छन्, तर आवश्यक छैन कि यो सधैं त्यस्तै होस् । उदाहरणका लागि, ओपनएआई का प्रमुख कार्यकारी अधिकृत (सीईओ) सैम अल्टम्यानको कुरा गर्दा, उनी इमेल र कागजातहरूको संक्षेप गर्नेजस्ता दैनिक कामहरूको लागि एआई मा भर पर्छन् ।
अल्टम्यानले गत महिनाको व्हार्टन मनोवैज्ञानिक एडम ग्रान्टको रिथिंकिंग पोडकास्ट मा भनेका थिए, ‘म एआईलाई दैनिक रुपमा सामान्य तरिकामा प्रयोग गर्छु ।’ उनले थपे, ‘म यसलाई यसरी प्रयोग गर्छु, जस्तै “यो पूरै इमेल प्रक्रिया गर्न मद्दत गर" वा “यो कागजात लाई संक्षेपीकरण गर्न सहायता गर।"
अल्टम्यान मात्र होइनन् । एनभिडियाका प्रमुख कार्यकारी अधिकृत (सीईओ) जेन्सेन हुआङले एआई च्याटबटको उपयोग सामग्रीको ड्राफ्ट तयार गर्न सहायता गर्नका लागि गर्छन् । उनले डिसेम्बर मा वायर्ड कार्यक्रममा यसको खुलासा गरेका थिए । उता, माइक्रोसफ्ट का प्रमुख कार्यकारी अधिकृत (सीईओ) सत्य नडेलाले आफ्नो इनबक्सलाई व्यवस्थित गर्न र प्राथमिकताका आधारमा मिलाउन आउटलुकका एआई सुविधाहरूको उपयोग गर्छन् । उनले फास्ट कम्पनी इनोभेसन फेस्टिबल २०२४ मा यो कुरा बताएका थिए ।
एआई उद्योग लाई नेतृत्व गरिरहेका यी अग्रजको व्यक्तिगत प्रयोग पनि अन्य व्यवसायिक व्यक्तिहरूको जस्तै देखिन्छ । ग्यालपको गत वर्षको एक सर्वेक्षण अनुसार, एआई च्याटबटको सबैभन्दा सामान्य प्रयोगहरूमा नयाँ विचारहरू उत्पन्न गर्ने, जानकारी संकलन गर्ने, र नियमित कामहरू स्वचालित बनाउने कार्यहरू समावेश छन् ।
अल्टम्यान स्वीकार गर्छन् कि विभिन्न उद्योगहरूमा एआई को प्रभाव अझै पनि विकसित हुँदैछ । जनवरी को एक ब्लग पोस्टमा, उनले एआई एजेन्ट्सलाई एआई को अर्को ठूलो उपलब्धि भएको बताएका थिए । यस्ता मोडेलहरूले न्यूनतम प्रयोगकर्ता इनपुटमा बहु–चरणीय कार्यहरू व्यवस्थापन गर्न सक्नेछन् ।
ओपनएआई ले गत महिना च्याटजीपीटी को ‘अपरेटर सुविधा प्रस्तुत गर्दै यस दिशामा एक महत्वपूर्ण पाइला चालेको छ । यसले विदा योजना बनाउने, फारम भर्ने, बुकिङ गर्ने, र किराना सामग्री अर्डर गर्ने जस्ता कार्यहरू स्वचालित गर्न सक्छ । सीएनबीसी मेक इटको रिपोर्ट अनुसार, गूगल, मेटा, माइक्रोसफ्ट, अमेजन, र एन्थ्रोपिक जस्ता ठूला प्रविधि कम्पनीहरू पनि यस्तै एआई–संचालित सहायकहरू विकास गर्दै छन् ।
अल्टम्यानले भनेका छन्, ‘कल्पना गर्नुहोस् कि यी एजेन्टहरू अन्ततः कुनै शीर्ष कम्पनीमा केही वर्षको अनुभव भएको सफ्टवेयर इन्जिनियर ले गर्ने अधिकांश कार्यहरू गर्न सक्षम हुनेछन् ।’ यद्यपि, उनले उल्लेख गरे कि यी एजेन्टहरू पूर्ण रूपमा त्रुटिरहित हुने छैनन् , उनीहरूलाई मानव निरीक्षणको आवश्यकता पर्नेछ, केही कार्यहरूमा कठिनाइ भोग्नेछन्, र मौलिक नवीन विचारहरू को स्रोत नहुन सक्छन् ।
हालका लागि, कार्यस्थलहरूमा एआई प्रयोग गर्ने दर तुलनात्मक रूपमा कम छ । म्याकिन्से एन्ड कम्पनीको जनवरी रिपोर्ट अनुसार, हाल अमेरिका भित्र केवल करिब १३ प्रतिशत कर्मचारी हरूले मात्र काममा एआई प्रयोग गर्छन् । तर, जति एआई सहायकहरू अझ क्षमतावान् हुँदै जान्छन्, यो दर त्यतिनै परिवर्तन हुन सक्छ ।
