स्नेहा झा
फोन निर्माता कम्पनीहरू लगातार नयाँ–नयाँ डिजाइन र एडभान्स प्रविधिका साथ आफ्ना स्मार्टफोन प्रस्तुत गरिरहेका हुन्छन् । फोनको क्यामेरा, ब्याट्री र चार्जिङसम्ममा ठूलो परिवर्तन देख्न पाइन्छ ।
यही कारणले गर्दा धेरै मानिसहरू आफ्नो फोन छिटो छिटो फेर्ने गर्छन् । यदि तपाईं पनि धेरै छिटो आफ्नो स्मार्टफोन परिवर्तन गर्नुहुन्छ भने यो जानकारी तपाईंका लागि कामको हुन सक्छ ।
धेरैजसो मानिसहरूलाई स्मार्टफोन निकै ढिलो भएको वा र्याम र स्टोरेजको अभाव भइरहेको लागिरहेको हुन्छ । यदि तपाईं पनि आफ्नो स्मार्टफोन ढिलो भएकोमा चिन्तित हुनुहुन्छ र यसलाई बिग्रनबाट बचाउन चाहनुहुन्छ भने केही टिप्सहरू अनुसरण गरेर आफ्नो पुरानो फोनलाई नयाँ जस्तै बनाउन सक्नुहुन्छ ।
अनावश्यक एप हटाउने
यदि स्मार्टफोनलाई लगभग छ महिना वा एक वर्ष मात्र भएको छ र फोन ढिलो भएको छ भने यस्तो अवस्थामा फोनका अनावश्यक एपहरू डिभाइसबाट हटाउनुपर्छ । धेरैजसो मानिसहरूले फोनमा विभिन्न प्रकारका एपहरू राख्छन्, तर त्यसको प्रयोग गर्दैनन् ।
यस कारणले गर्दा फोनमा बिना कारणको र्याम र स्टोरेज भरिएको हुन्छ । यस्तो अवस्थामा एक मिनेट समय लिएर आफ्नो डिभाइसबाट काम नलाग्ने एपहरू हटाउनुहोस् । यसो गर्दा र्याम र स्टोरेजमा राम्रो असर पर्छ र फोनको क्षमता सुधार हुन्छ ।
ब्याट्रीको ध्यान राख्नुहोस्
फोन चलाउनका लागि सबैभन्दा महत्त्वपूर्ण कुरा भनेको ब्याट्री हो । यस्तो अवस्थामा फोनलाई बिग्रनबाट बचाउन ब्याट्रीलाई विशेष ध्यान दिनुपर्छ । साथै केही विशेष टिप्सहरू अनुसरण गर्नुपर्छ ।
फोनको ब्याट्रीलाई कहिल्यै शून्यमा पुर्याउनु हुँदैन् । साथै, ब्याट्रीलाई सधैं ८० प्रतिशतसम्म मात्र चार्ज गर्नुहोस्, यसले फोनको ब्याट्रीको आयु बढाउँछ र डिभाइस चाँडै बिग्रँदैन् । यस्तो अवस्थामा फोन चाँडै बदल्नु पनि पर्दैन् ।
इलेक्ट्रोनिक फील्डबाट दूरी
स्मार्टफोन ढिलो हुँदा फोनलाई कुनै पनि इलेक्ट्रोनिक र म्याग्नेटिक फील्डबाट टाढा राख्नुहोस् । यदि फोन ढिलो चलिरहेको छ भने कुनै पनि उच्च इलेक्ट्रोनिक र म्याग्नेटिक फील्डको सम्पर्कमा आउँदा डिभाइस भित्रबाट क्षतिग्रस्त हुन सक्छ । यस्तो अवस्थामा डिभाइस चाँडै बदल्नुपर्ने हुन सक्छ, त्यसैले यस कुरामा विशेष ध्यान दिनुहोस् ।
सफ्टवेयर अपडेट गर्नुहोस्
यदि तपाईं स्मार्टफोनलाई छिट्टै बिग्रनबाट बचाउन चाहनुहुन्छ भने कम्पनीद्वारा समय–समयमा पठाइने सफ्टवेयर अपडेटलाई आफ्नो डिभाइसमा इन्स्टल गर्दै जानुहोस् । यसो गर्दा धेरै पटक फोनको र्याम र स्टोरेजमा ठुलो असर पर्छ । साथै, धेरै पटक सफ्टवेयर अपडेटले फोनमा नयाँ फीचर्स थपिन्छन्, जसका कारण फोन एक पटक फेरि नयाँ जस्तै छरितो र स्मूथ हुन्छ ।
फोन चार्ज गर्ने सही तरीका
फोनलाई नयाँ जस्तै बनाउन चार्जिङ्गमा ध्यान दिन आवश्यक छ । यदि फोन सुस्त भएको छ भने यसका पछाडि मोबाइललाई गलत तरिकाले चार्ज गर्नु पनि एउटा कारण हुन सक्छ । चार्जिङ्गको समयमा फोन धेरै पटक धेरै तातिएको हुन्छ, यस्तो अवस्थामा उपकरणमा नराम्रो असर पर्न सक्छ । यस कारणले गर्दा फोन छिट्टै बिग्रन सक्छ । यो समस्याबाट बच्नका लागि चार्जिङ्गको समयमा डिभाइसलाई खुला स्थानमा र कुनै पनि कभर बिना राख्नुहोस् ।
