आईसीटी समाचार
प्रायः आईओएस माथि एन्ड्रोइड बाट लिएको हो, तर यसपटक कुरा उल्टो भएको छ । वास्तवमा एन्ड्रोइडको आगामी भर्सन, अर्थात् एन्ड्रोइड १६ मा आइफोन को एक यस्तै फिचर आउन लागेको छ, जुन प्रयोगकर्ताका लागि निकै उपयोगी सावित हुने छ ।
यस फिचरको मद्दतले न केवल प्रयोगकर्ताको सहुलियतमा वृद्धि हुनेछ, तर एन्ड्रोइड स्मार्टफोनहरूको आयु पनि बढ्नेछ । त्यसैले आफ्नो फोनलाई ४–५ वर्षसम्म प्रयोग गर्न चाहने प्रयोगकर्ताहरूका लागि यो निकै खुशीको खबर हो ।
जस आईओएस फिचरको हामी कुरा गर्दैछौं, त्यसलाई ब्याट्री हेल्थ नामले चिनिन्छ । वास्तवमा, एप्पलले यो फिचर आफ्ना आइफोनमा धेरै पहिलेदेखि दिँदै आएको छ । यसको मद्दतले प्रयोगकर्ताहरूले आफ्नो ब्याट्रीको हेल्थ जोगाइराख्न सक्छन् र फोनलाई लामो समयसम्म प्रयोग गर्न सक्छन् । साथै, यस फिचरले प्रयोगकर्तालाई यो पनि थाहा दिन्छ कि कहिले आफ्नो फोनको ब्याट्री फेर्नुपर्छ र कहिले नयाँ फोनमा सर्ने बेला भएको हो ।
एन्ड्रोइड १६ सँगै यो फिचर उपलब्ध भएपछि प्रयोगकर्ताले ब्याट्री सही तरिकाले चार्ज गरेर आफ्नो फोनको ब्याट्रीलाई दीर्घकालसम्म जोगाइराख्न सक्नेछन् । यसले प्रयोगकर्तालाई चाँडै ब्याट्री वा फोन परिवर्तन गर्नुपर्ने झन्झटबाट छुटकारा दिनेछ ।
यो फिचर गुगलको पिक्सल फोनहरूमा उपलब्ध हुने पक्का भइसकेको छ । वास्तवमा, एन्ड्रोइडको नयाँ संस्करण पहिले गुगल ले आफ्ना फोनहरूमा ल्याउने गर्छ । साथै, यदि तपाईंको फोनमा एन्ड्रोइड १६ को अपडेट आउँछ भने, तपाईंको फोनमा पनि यो फिचर पक्कै आउनेछ ।
स्मार्टफोन कम्पनीहरूले फोन लञ्च गर्दा कति ओएस अपडेट दिने हो भन्ने जानकारी दिने गर्छन् । त्यसैले तपाईं आफ्नो स्मार्टफोन ब्रान्डको वेबसाइटमा गई तपाईंको फोनमा एन्ड्रोइड १६ को अपडेट आउने हो कि होइन भनेर जाँच गर्न सक्नुहुन्छ ।
आफ्नो ब्याट्रीको हेल्थ जोगाइराख्न प्रयोगकर्ताले आफ्नो फोनलाई तातिन नदिने प्रयास गर्नुपर्छ। आइफोन प्रयोगकर्ताहरूले पनि यही उपाय अपनाउँछन । यदि तपाईं पनि आफ्नो फोनको ब्याट्री लाइफ बढाउन चाहनुहुन्छ भने, जति सकिन्छ फोनलाई तात्न नदिनुहोस् ।
