आईसीटी समाचार
असुस नेपालले आफ्नो अत्याधुनिक नयाँ युगको एआई पीसी, जेनबुक एस १४ (यूएक्स५४०६) सार्वजनिक गरेको छ । १४ इन्चको यो अल्ट्रा–पोर्टेबल ल्यापटप हालको बजारमा सबैभन्दा पातलो र सुविधाजनकमध्ये एक हो । यसले प्रदर्शन र शैलीलाई उत्कृष्ट रूपमा मिश्रण गर्दै पूर्ण रूपमा नयाँ डिजाइन र अत्याधुनिक विशेषताहरू समेटेको छ ।
जेनबुक एस १४ उच्च प्रविधियुक्त हाइब्रिड सामग्री एसस सिरालुमिनियम बाट तयार पारिएको छ। यसले निस्सन्देह बलियो संरचना प्रदान गर्दछ र स्क्र्याच तथा क्षति प्रतिरोध गर्न सक्षम छ । यो दुई आकर्षक रङहरू जुमाइया ग्रे र स्क्यान्डिनेभियन ह्वाइटमा उपलब्ध रहेको छ ।
उक्त ल्यापटप केवल १.१ सेमी पातलो छ । सीएनसी प्रविधिको प्रयोगबाट ल्यापटपको डिजाइन र कूलिङ प्रणालीलाई अझ प्रभावकारी बनाइएको छ । यसमा अनौठो ज्यामितीय ग्रिल डिजाइन र ठूलो टचप्याड क्षेत्र समावेश गरिएको छ ।
उत्कृष्ट प्रदर्शन र नवीन प्रविधि
जेनबुक एस १४ मा इन्टेल कोरअल्ट्रा ९ प्रोसेसर (सिरिज २) र इन्टेल आर्क ग्राफिक्स समावेश गरिएको छ, जसले ४८ एनपियु टप्ससम्मको एआई प्रदर्शन गर्न सक्छ । यो ल्यापटपले उन्नत भेपर–चेम्बर कूलिङ प्रणालीको साथ २८ वाट सिपियु टीडीपी प्रदर्शन गर्न सक्षम छ ।
यसमा ३के १२० हर्ज एएसयूएस लुमिना ओएलईडी डिस्प्ले समावेश छ, जसले उत्कृष्ट एचडीआर प्रदर्शन र १०० प्रतिशत डीसीआई–पी३ कलर ग्यामुट सुनिश्चित गर्छ । यसले प्यान्टोन प्रमाणीकरण र डिस्प्ले एचडीआर ट्रु ब्ल्याक ५०० को प्रमाणीकरण प्राप्त गरेको छ ।
यसमा समावेश एआईसेन्स आइआर क्यामेरा सिस्टमले एडाप्टिभ लक र एडाप्टिभ डिमिङ जस्ता सुविधाहरू प्रदान गर्दछ, जसले प्रयोगकर्ताको उपस्थितिलाई निगरानी गर्दै उपकरण सुरक्षित राख्छ ।
यसको निर्माणमा पर्यावरणलाई प्राथमिकता दिइएको छ । ल्यापटपसँगै प्रदान गरिने आवरण जीआरएस प्रमाणित पुनर्नवीनीकरण पलिएस्टरबाट बनेको छ । यसले एएसयूएसको दिगोपनप्रति प्रतिबद्धतालाई झल्काउँछ ।
जेनबुक एस १४ मा ३२ जीबीसम्मको एलपिडिडिआर५एक्स र्याम, १ टिबीसम्मको ८८पिसिआइई ४.० एसएसडी, र वाईफाइ ७ को समर्थन छ । यसले दुई थन्डरबोल्ट ४ पोर्ट, एचडीएमआई २.१, युएसबी ३.२ जेन २ टाइप–ए, र अडियो कम्बो ज्याक जस्ता पूर्ण आई÷ओ पोर्टहरू प्रदान गर्दछ ।
एएसयूएसका अनुसार, जेनबुक एस १४ ले अत्याधुनिक प्रविधि, उत्कृष्ट डिजाइन, र उच्च प्रदर्शनको संयोजन गर्दै आधुनिक प्रयोगकर्ताको आवश्यकतालाई परिपूर्ति गर्नेछ । यो डिसेम्बर ९ देखि सबै असुस आधिकारिक स्टोरहरुमा उपलब्ध रहेको छ ।
