आईसीटी समाचार
इन्स्टाग्रामले शर्ट भिडियो कन्टेन्टका लागि स्ट्यान्डअलोन एपको रूपमा रिल्सलाई लन्च गर्ने तयारी गरेको छ । योसँगै छुट्टै एपको रूपमै अब मेटा शर्ट भिडियो स्पेशमा प्रवेश गर्न खोजेको छ ।
हाल, शर्ट भिडियो प्लेटफर्मको बजारमा टिकटकको प्रभूत्व रहेको छ । द इन्फर्मेशनको एक रिपोर्टअनुसार, इन्स्टाग्रामका प्रमुख एडम मोसेरीले कम्पनीका कर्मचारीहरूलाई रिल्सका लागि सम्भावित एप परियोजनाबारे जानकारी गराएका छन् ।
प्राप्त जानकारीअनुसार, यसको कोडनेम प्रोजेक्ट रे राखिएको छ । इन्स्टाग्राम रिल्ससँगै, यसले तीन मिनेटसम्मका भिडियोहरू पनि देखाउन सक्ने छ । चर्चा भए अनुसार, स्ट्यान्डअलोन एप टिकटक जस्तै भर्टिकल स्क्रोलिङ अनुभव प्रदान गर्नेछ ।
यो एपमार्फत मेटा स्वामित्वको सामाजिक सञ्जाल प्लेटफर्मले अमेरिकामा नयाँ प्रयोगकर्ताहरूलाई आकर्षित गर्न तथा हालका प्रयोगकर्ताहरूका लागि सिफारिस प्रणाली सुधार गर्न चाहेको दावी गरिएको छ ।
हालसम्म, इन्स्टाग्रामले यी योजनाहरू औपचारिक रूपमा स्वीकार गरेको छैन् । यो विकास त्यस्तो समयमा भएको छ जब टिकटक अमेरिकी नियमहरूको कठोर अनुसन्धानको घेरामा परेको छ ।
प्रारम्भमा, अमेरिकामा यसलाई प्रतिबन्ध लगाइएको थियो, तर पछि सो निर्णय उल्टाइएको थियो । तर, यसलाई केवल ७५ दिनको अवधि (जो अप्रिल ५ मा समाप्त हुँदैछ) को लागि अमेरिकामा सञ्चालन गर्न अनुमति दिइएको थियो ।
यस बीच, रिपोर्टअनुसार, टिकटकको मातृ कम्पनी अहिले नयाँ डोनाल्ड ट्रम्प प्रशासनसँग वार्तामा संलग्न छ । यदि सहमति भएमा, अमेरिकी कम्पनीले टिकटकमा ठूलो हिस्सेदारी लिन सक्छ, जसले गर्दा एप अमेरिकी बजारमा उपलब्ध रहन सक्छ ।
यदि यो योजना सफल भयो भने, यो २०२५ मा इन्स्टाग्रामको दोस्रो नयाँ एप लन्च हुनेछ । यसअघि, गत महिना एडिट्स एप लन्च गरिएको थियो । यो एप क्रिएटर्सलाई इन्स्टाग्रामका बिल्ट–इन टुल्सको तुलनामा बढी सृजनात्मकता र प्रिसिजनका साथ भिडियो सम्पादन गर्न सहयोग गर्छ ।
अहिलेसम्म, एडिट्स एप आईओएस प्रयोगकर्ताहरूका लागि मात्र उपलब्ध छ । यो मोबाइल भिडियो सम्पादन एप हो, जसमाः उच्च–गुणस्तरको भिडियो क्याप्चर गर्ने सुविधा, ड्राफ्टहरू सुरक्षित गर्ने र भिडियोका लागि विशेष ट्याब, क्यामेरा सेटिङहरू जस्तै रिजोल्युसन, फ्रेम दर, र डायनामिक रेन्ज एड्जस्ट गर्ने अप्सन उपलब्ध छन् ।
यदि इन्स्टाग्रामले रिल्स एप ल्ाययो भने टिकटकलाई टक्कर दिने महत्वपूर्ण कदम बन्न सक्ने छ ।
