आईसीटी समाचार
चीनमा एक जना महिलाले आईफोन चार्ज गरिरहेकै बेला फोन विस्फोट भएको छ, जसले गर्दा प्रयोगकर्तालाई चोटपटक लागेको छ । यस घटनाले एप्पलका प्रिमियम डिभाइसहरूको सुरक्षामा पनि प्रश्न उठाएको छ । चीनकी शांक्सी नामक महिलाले बताइन् कि रातभर चार्ज गर्दै गर्दा उनको आईफोन १४ प्रो म्याक्समा आगो लाग्यो ।
रिपोर्टअनुसार यस आगोले महिलाको हातमा पोलेको दाग बसेको छ । चिनियाँ सामाजिक सञ्जालहरूमा साझा गरिएका तस्वीरहरूमा फोन अत्यधिक क्षतिग्रस्त देखिन्छ, जसमा अगाडिको र पछाडिको प्यानल जलिसकेको छ ।
एप्पलको प्रतिक्रिया
एप्पलले यस घटनालाई स्वीकार गर्दै प्रयोगकर्ताको स्वास्थ्यप्रति चिन्ता व्यक्त गरेको छ । कम्पनीले यस घटनाको कारण पत्ता लगाउन अनुसन्धान सुरु गरेको छ, जसमा फोनको ब्याट्री र अन्य पार्टहरूको जाँच गरिनेछ ताकि कुनै सम्भावित त्रुटि पहिचान गर्न सकियोस् ।
स्मार्टफोन प्रयोगकर्ताहरूका लागि सुरक्षा सुझावहरू
– रातभर चार्ज नगर्नुहोस्ः फोनलाई रातभर चार्ज नगर्नुहोस्, किनकि लामो समयसम्म चार्ज गर्दा ओभरहीट हुने र आगो लाग्ने खतरा बढ्न सक्छ।
– असली चार्जरको प्रयोग गर्नुहोस् : सधैं उत्पादकद्वारा प्रदान गरिएको असली चार्जरको प्रयोग गर्नुहोस् ताकि सुरक्षा कायम रहोस् ।
– चार्जिङ पोर्टको जाँच गर्नुहोस्: चार्जिङ पोर्टमा कुनै पार्ट् अड्किएको वा क्षतिग्रस्त भएको छ भने जाँच गर्नुहोस्, किनकि यसले चार्जिङमा समस्या ल्याउन सक्छ ।
– थर्ड–पार्टी एक्सेसोरीहरूको प्रयोगमा सतर्क रहनुहोस्ः थर्ड–पार्टी एक्सेसोरीहरू सस्तो हुन सक्छन्, तर विश्वसनीय ब्रान्डहरूको चयन गर्नु उचित हुन्छ ।
