आईसीटी समाचार
ह्यासट्यागको प्रयोग सन् २००७ देखि सामाजिक सञ्जालमा प्रमुख रूपमा हुँदै आएको छ । फेसबुकदेखि इन्स्टाग्राम र एक्ससम्म पनि ह्यासट्यागको व्यापक प्रयोग हुँदै आएको छ ।
ट्रेन्डिङ टपिक्स पनि प्रायः ह्यासट्यागकै आधारमा निर्धारण गरिन्छन् । तर, अहिले एक्सका सिईओ एलन मस्कले ह्यासट्यागलाई हटाउने तयारी गरिरहेको देखिएको छ । ह्यासट्यागलाई लिएर मस्कले नयाँ बहस सुरु गरेका छन् ।
गत मंगलबार गरिएको मस्कले एक्समा पोष्ट गर्दै ह्यासट्यागको प्रयोग नगर्न, सिस्टमलाई यसको आवश्यकता नभएको र कुरूप देखिएको बताएका थिए ।
यो भनाइले एक्सका प्रयोगकर्तालाई अचम्मित बनाएको थियो । केहीले यसमा सहमति जनाए भने अरूले मीम र व्यंग्यमार्फत आफ्नो धारणा व्यक्त गरेका थिए । यसपछि मस्कको टिप्पणी भाइरल भएको थियो ।
के ह्यासट्याग अझै आवश्यक छ ?
मस्कको टिप्पणीले २०२४ मा पनि ह्यासट्याग प्रासंगिक छ कि छैन भन्ने प्रश्न खडा गरेको छ । एक्सको सर्च एल्गोरिदम र सामग्री खोज्ने प्रणालीले पोस्ट खोज्नका लागि ह्यासट्याग अब आवश्यक नपर्न सक्छ । मस्कको तर्क छ कि ह्यासट्यागले पोस्टलाई अव्यवस्थित बनाउँछ, र यसलाई अब झन् प्रभावकारी प्रणालीहरूले प्रतिस्थापन गरिसकेको छ ।
एक्सका प्रयोगकर्ताले तुरुन्त प्रतिक्रिया दिए । केहीले रमाइलो शैलीमा यस विडम्बनालाई औंल्याए कि मस्कले ह्यासट्यागको आलोचना गरिरहेका छन्, जबकि एक्समा अझै पनि एउटा ट्रेन्डिङ ह्यासट्याग सेक्सन छ । अन्य प्रयोगकर्ताले ह्यासट्यागलाई मोनेटाइज गर्न, मीम बनाउन, र सामाजिक आन्दोलन तथा घटनाहरूका लागि ह्यासट्यागको महत्त्वपूर्ण भूमिकालाई लिएर मजाक गरे ।
