आईसीटी समाचार
आज सबैको हातमा स्मार्टफोन छ । दैनिकीको सुरूवात र अन्त्य नै स्मार्टफोनबाट हुन्छ । एकछिन स्मार्टफोन नहुँदा छटपटी हुन थाल्छ ।
तर केहिलेकाही इन्टरनेट ढिलो चल्दा वा नचल्दा समस्या हुन्छ । कहिलेकाँही फोनमा केही समस्या आएका कारण पनि नचल्न सक्छ ।
त्यसैकारण आज हामी तपाईलाई यो समस्या समाधान गर्न सक्ने पाँचवटा उपाय बारे जानकारी दिदैछौं ।
आफ्नो फोन रिस्टार्ट गर्नुहोस्
फोनलाई केही समयको लागि स्वीच अफ छोड्नुहोस् र त्यसपछि यसलाई अन गर्नुहोस् । यसले कनेक्सन नहुने समस्या समाधान गर्न सक्छ ।
आफ्नो फोन र एप अपडेट गर्ने
यदी नेटवर्क समस्याहरू रहिरह्यो भने आफ्नो फोन अपडेट गर्नुहोस् र एपहरू पनि अपडेट गर्नुहोस् । अपडेट पछि, अपरेटिङ सिस्टम अप्टिमाइज गरिएको हुन्छ र यदि केहि समस्याको कारण इन्टरनेटले काम गर्दैन भने, यो बग पनि अपडेट पछि फिक्स गर्न हुन सक्ने छ ।
क्यास डेटा खाली गर्ने
एप क्यास क्लियर गरेपछि पनि फोन स्मूथ हुन सक्छ र इन्टरनेट समस्या हट्न सक्छ । साथै आफ्नो फोनको वेब ब्राउजरको इतिहास मेटाउनुहोस् र यसको क्यास खाली गर्नुहोस् । यसबाहेक, यदि धेरै एपहरू ब्याकग्राउन्डमा चलिरहेका छन् भने तिनीहरूलाई बन्द गर्नुहोस् ।
डाटा उपभोग र ब्याकग्राउण्ड एपहरू जाँच गर्ने
धेरै पटक, ब्याकग्राउन्डमा चल्ने एपहरूले धेरै इन्टरनेट डाटा खपत गर्छन् । यस्तो अवस्थामा यी एपहरूमा नजर राख्नुहोस् र सेटिङमा गएर यी एप्सको इन्टरनेट डाटा सीमित गर्नुहोस् । यसो गर्दा इन्टरनेटको स्पीड बढ्न सक्छ ।
तपाईंको नेटवर्क सेटिङहरू रिसेट गर्नुहोस्
अन्तमा, यदि कुनै पनि तरिकाले काम गरिरहेको छैन भने, आफ्नो फोनको नेटवर्क सेटिङहरू रिसेट गर्नुहोस् । रि–सेट गरिसकेपछि पनि धेरै फोनहरूमा नेटवर्क समस्याहरू हट्छन् । यसबाहेक, सेभ गरिएको वाइफाय नेटवर्क पनि डिलिट गर्नुहोस् । धेरै पटक सेभ गरिएको नेटवर्कका कारण इन्टरनेटमा समस्या आउने गर्छ ।
