बोटका लाखौं ग्राहकको डेटा डार्क वेबमा लीक

यदि तपाईंले बोटका उत्पादनहरू प्रयोग गर्नुहुन्छ भने उत्पादन खरिद गर्दा बोटको साइटमा आफ्नो इमेल आईडी, सम्पर्क नम्बर र ठेगाना जस्ता जानकारी इन्टर गरेको हुनुपर्छ । तर अहिले एउटा ठूलो खबर बाहिर आएको छ ।  

एक रिपोर्ट अनुसार, ७.५ मिलियन बोट ग्राहकहरूको डाटा डार्क वेबमा लीक भएको छ । एक ह्याकरले ७५ लाखभन्दा बढी बोट ग्राहकको डाटा अब डार्क वेबमा रहेको दाबी गरेको छ । डार्क वेबमा उपलब्ध डाटामा नाम, ठेगाना, सम्पर्क नम्बर, इमेल आईडी र ग्राहक आईडी जस्ता व्यक्तिगत जानकारी समावेश छन् ।

ह्याकरले फोरममा करिब २ जीबी डाटा लीक गरेको बताइएको छ । फोर्ब्सको रिपोर्टका अनुसार अप्रिल ५ मा सोपिफाइ गाई नामक ह्याकरले अडियो उत्पादन र स्मार्टवाच बनाउने कम्पनी बोटको डाटा चोरी गरेको दाबी गरेको थियो ।

बोट लाइफस्टाइलले यस विषयमा अहिलेसम्म कुनै प्रतिक्रिया दिएको छैन् । व्यक्तिगत डाटा लिकका कारण प्रयोगकर्ताको सुरक्षा खतरामा पर्न सक्ने विज्ञको भनाइ छ । यस्तो अवस्थामा आर्थिक ठगी र फिसिङका घटनाहरू बढ्न सक्ने छन् ।

सेक्युरिटी ब्रिगेडका संस्थापक यस कडाकियाले यस विषयमा कम्पनीले सबै प्रयोगकर्तालाई जानकारी गराउनु पर्ने बताउँछन् । कम्पनीले यो किन भयो र ह्याकरहरूले प्रयोगकर्ताको व्यक्तिगत डेटा कसरी पहुँच गर्यो भनेर अनुसन्धान गर्नुपर्छ भनेर उनको भनाइ छ ।