माइक्रोसफ्ट ३६५ सेवामा समस्या

क्राउडस्ट्राइक आउटेजपछि माइक्रोसफ्टको सेवा पुनः ठप्प भएको छ । माइक्रोसफ्ट ३६५ सेवामा प्रयोगकर्ताहरूलाई समस्या आइरहेको छ । प्रयोगकर्ताहरूले खराब सेवाबारे गुनासो गरिरहेका छन् ।

कम्पनीले पनि माइक्रोसफ्ट ३६५मा आइरहेका यी समस्याहरूलाई स्वीकार गरेको छ र यस समस्याबारे अपडेट जारी गरेको छ । टेक कम्पनी माइक्रोसफ्टले अफिस एप्लिकेशन र सेवामा आउटेजबारे अनुसन्धान गरिरहेको जनाएको छ ।

कम्पनीले सोसल नेटवर्क एक्समा एक पोस्ट जारी गर्दै यो समस्या धेरै माइक्रोसफ्ट ३६५ सेवा र फिचरहरूलाई प्रभावित गरिरहेको बताएको छ । माइक्रोसफ्ट ३६५ मा कम्पनीको प्रोडक्टिभिटी एप्लिकेशनहरू जस्तै आउटलुक, वर्ड र एक्सेल समावेश छन् ।

कम्पनीले आउटेजबारे पछिल्लो अपडेट जारी गर्दै माइक्रोसफ्ट ३६५ सेवामा एक्सेस इश्यू र खराब प्रदर्शनको अनुसन्धान गरिरहेको जानकारी दिएको छ । यसबारेमा बढी जानकारी एडमिन सेन्टरमा MO842351 अन्तर्गत पाउन सकिन्छ ।

यस महिनाको सुरुवातमा, साइबर सुरक्षा फर्म क्राउडस्ट्राइक होल्डिंग्स इंक द्वारा एक खराब सफ्टवेयर अपडेट जारी गरिएपछि विन्डोज अपरेटिङ सिस्टममा चल्ने लगभग ८ मिलियन कम्प्युटर क्र्यास भएका थिए ।