आईसीटी समाचार
एआई अर्थात् आर्टिफिसियल इन्टेलिजेन्सको संसारमा हरेक दिन केही नयाँ भइरहेको हुन्छ । भर्खरै, ओपनएआईले सोरा र गूगलले भिड्स प्रस्तुत गरेको छ, जसले टेक्स्ट–टू–भिडियो उत्पन्न निर्माण गर्न सक्छ ।
अब यो दौडमा माइक्रोसफ्ट पनि अगाडि आएको छ । माइक्रोसफ्टले भासा १ एआई भिडियो जेनेरेटर लन्च गरेको छ । कम्पनीले आफ्नो आधिकारिक वेबसाइटमा यस टूलको धेरै नमूनाहरू प्रस्तुत गरेको छ । यो टूलले कुनै पनि फोटोबाट व्यक्तिको भिडियो बनाउन सक्छ । माइक्रोसफ्टद्वारा प्रस्तुत नमूनाको नतिजा उत्कृष्ट छ ।
माइक्रोसफ्टको यो टूलको नाम भिजुअल एफेक्टिभ स्किल अडियो वा वासा–१ हो । यो कम्पनीको टप एन्ड मोडेल हो, जसले मानिसको अनुहारको हावभाव उत्कृष्ट तरिकाले बनाउन सक्छ । यो उपकरणले मानिसहरूको अनुहारमा फोटोहरूबाट सबै प्रकारका भावना उत्पन्न गर्न सक्छ ।
सरल भाषामा सामान्य तस्बिरबाट उक्त व्यक्तिको विभिन्न अभिव्यक्तिसहितको भिडियो बनाउन सकिन्छ । यो टूलले अनुहारको मांसपेशी, ओठ, नाक, टाउकोको झुकाव र अन्य कारकहरूको मद्दतले भिडियोहरू सिर्जना गर्दछ । यसका केही भिडियोहरु पनि सार्वजनिक भएका छन् ।
हाल,माइक्रोसफ्ट भासा १ ले ४० एफपीएसमा अधिकतम ५१२×५१२ पिक्सेलको भिडियो बनाउन सक्छ । यो टूलले वास्तविक जस्तै भिडियो बनाउन सक्ने कम्पनीको दाबी छ । यसको मतलब यसको मद्दतले तपाईले वास्तविक जीवनमा जस्तै अभिव्यक्ति दिन सक्नुहुन्छ ।
माइक्रोसफ्टले भासा १ लाई रिसर्च डेमोन्स्ट्रेसनको रूपमा देखाएको छ । कम्पनीले यसको एपीआई जारी गर्ने कुनै योजना नभएको स्पष्ट पारेको छ ।
यो उपकरण ओपनएआईको सोरा जस्तै छ । दुबै उपकरणहरूले यथार्थपरक भिडियोहरू उत्पन्न गर्न सक्छन् । यद्यपि, यी दुवै उपकरणहरू अझै सार्वजनिक डोमेनमा उपलब्ध छैनन् ।
