आईसीटी समाचार
नेपाल उद्योग वाणिज्य महासंघ (एफएनसीसीआई) का अध्यक्ष चन्द्र ढकालले नेपालको सूचना प्रविधि र प्राविधिक स्कुलमा लगानीको सम्भावना रहेको बताएका छन् ।
आईतबारदेखि काठमाडौंमा सुरू भएको लगानी सम्मेलनलाई सम्बोधन गर्दै ढकालले विश्वभरबाट सहभागी भएका लगानीकर्तालाई यस्तो बताएका हुन् ।
विश्वका उदाउँदा ठूला अर्थतन्त्र चीन र भारतको बीचमा रहेको नेपालको रणनैतिक अवस्थितिको फाइदा लिँदै गेटवेको काम गर्न सक्ने बताए ।
उनले नेपालमा प्राविधि स्कुल स्थापनामा लगानी सम्भावना रहेको समेत जानकारी दिए । यसले नेपालमा रहेको दक्ष श्रमशक्तिको अभावलाई मात्र समाधान गर्ने र मुलुकबाट वैदेशिक रोजगारका लागि जाने ठूलो जनशक्तिलाई दक्ष बनाई उनीहरूको क्षमता अभिवृद्धि गर्दै विदेशबाट नेपाल भित्रिने रेमिट्यान्सको रकम पनि बढाउन सहयोग पुग्ने उनको भनाइ छ ।
