आईसीटी समाचार
यदि औंलाहरूले ष्एजयलभ प्रयोग गर्दा तपाईं दिक्क हुनुभएको छ भने, आईओएस १८ अपडेटले प्रयोगकर्ताहरूलाई मात्र आँखाको इसाराले नै डिभाइस नियन्त्रण गर्ने सुविधा दिन्छ ।
आई ट्र्याकिङ फिचर मार्फत यो सम्भव भएको हो । यो सेटिङ सक्षम गरेपछि आईफोन चलाउन औंलाको आवश्यकता पर्दैन, केवल आँखाको सहयोगमा नै विभिन्न कार्यहरू गर्न सकिन्छ । यस फिचरलाई कसरी सक्षम गर्ने भन्ने प्रक्रिया यहाँ बताइएको छ ।
आई ट्र्याकिङ फिचर के हो?
आई ट्र्याकिङ फिचरले आईफोनको बिल्ट–इन फ्रन्ट–फेसिङ क्यामेराको प्रयोग गर्छ । राम्रो नतिजाका लागि ध्यान दिनुहोस् कि क्यामेरा सफा होस् र पर्याप्त प्रकाश उपलब्ध हुनुपर्छ । साथै,आईफोन तपाईंको अनुहारबाट करिब १.५ फिटको दूरीमा स्थिर रहनुपर्छ ।
यो फिचर आईफोन १२ र त्यसपछि आएका सबै आईफोन मोडलहरूमा सपोर्ट गर्दछ । साथै, आईफोन एसई(थर्ड जेन) मा पनि उपलब्ध छ । एप्पलले यसलाई आईओएस १८ अपडेट मार्फत सार्वजनिक गरेको हो ।
आई ट्र्याकिङ फिचर कसरी सक्षम गर्ने?
सर्वप्रथम सेटिङमा जानुहोस् । यसपश्चात एक्सेसिबिलिटी विकल्पमा ट्याप गर्नुहोस् । यति गरेपछि आई ट्र्याकिङ फिचर खोजेर सक्रिय गर्नुहोस् ।
आई ट्र्याकिङ सक्षम गरेपछि, अन–स्क्रिन निर्देशनहरू पालना गर्नुहोस । स्क्रिनको चारैतिर विभिन्न ठाउँहरूमा बिन्दुहरू देखिन्छन्, जसलाई आँखाको इसाराले ट्र्याक गर्नुहोस् ।
नोटः प्रत्येक पटक आई ट्र्याकिङ सक्षम गर्दा, क्यालिब्रेशन गर्नु अनिवार्य हुन्छ ।
आई ट्र्याकिङ फिचर कसरी काम गर्छ?
क्यालिब्रेशन पूरा भएपछि, अन–स्क्रिन पॉइन्टर तपाईंको आँखाको गतिविधि ट्र्याक गर्छ । तपाईं कुनै पनि आइटमलाई हेर्न थालेपछि, त्यसको वरिपरि एउटा फ्रेमवर्क देखिन्छ ।
जब तपाईं कुनै स्थानमा आँखा स्थिर राख्नुहुन्छ, ड्वेल पोइन्टर त्यही स्थानमा देखिन्छ । ड्वेल टाइमर सुरु भएपछि, डिफल्ट रूपमा सम्बद्ध कार्य सुरु हुन्छ ।
एप्पलले यो फिचर शारीरिक रूपमा असक्षम व्यक्तिहरू लाई ध्यानमा राखी विकास गरेको हो, जसले औंलाको प्रयोग बिना नै आईफोन सहज रूपमा प्रयोग गर्न सकून् ।
