आईसीटी समाचार
चिनियाँ एआई च्याटबोट डीपसीकले अमेरिकामा मच्चाएको हलचलपछि, चीनमाथि अमेरिकी कम्पनीहरूको कडाइ रोकिने छाँटकाँट देखिएको छैन् ।
अब नयाँ कारबाही ओपनएआईले चालेको छ । ओपनएआईले चीनसँग सम्बन्धित धेरै अकाउन्टहरूमा प्रतिबन्ध लगाएको छ ।
कम्पनीको थ्रेट इन्टेलिजेन्स रिपोर्टमा खुलासा भएको छ कि ती अकाउन्टहरू सामाजिक सञ्जाल अनुगमन सम्बन्धी गतिविधिमा संलग्न थिए ।
रिपोर्टअनुसार, ती अकाउन्टहरू सोशल मिडिया लिसनिङ टुलको लागि डिस्क्रिप्सन उत्पन्न गरिरहेका थिए । दाबी गरिएको छ कि यो उपकरण पश्चिमी मुलुकहरूमा भइरहेका विरोध प्रदर्शनहरूको वास्तविक–समय प्रतिवेदन (रियल–टाइम रिपोर्ट) तयार गर्न तथा चिनियाँ सुरक्षा एजेन्सीहरूलाई पठाउन प्रयोग गरिँदै थियो ।
ओपनएआईले भनेको छ, “यी अपरेटरहरूले हाम्रो मोडेलको प्रयोग गरेर आफ्नो इनसाइट्स चिनियाँ दूतावासहरू तथा गुप्तचर एजेन्सीहसम्म पुगेको छ वा छैन भन्ने पत्ता लगाउने प्रयास गरे । यो निगरानी अमेरिका, जर्मनी, बेलायत लगायतका धेरै देशहरूमा भइरहेको थियो ।"
जाँचका क्रममा पत्ता लाग्यो कि प्रयोगकर्ताहरू यो उपकरणका लागि कोड डिबगिङ गर्न पनि ओपनएआईको मोडेल प्रयोग गरिरहेका थिए । यद्यपि, यो उपकरण कुनै अर्को एआई मोडेलमा आधारित थियो, तर यसको प्रयोग ओपनएआईको नीतिविपरीत रहेको पाइयो ।
ओपनएआईले बतायो कि कम्पनीको गाइडलाइन्स अनुसार, कुनै पनि प्रकारको अनधिकृत निगरानी (अनअथोराइज्ड सर्विलान्स), सञ्चार निगरानी वा व्यक्तिगत स्वतन्त्रता दबाउन एआईको प्रयोग गर्न पूर्ण रूपमा प्रतिबन्धित गरिएको छ ।
