आईसीटी समाचार
एप्पलका पूर्व मुख्य डिजाइन अधिकारी जोनी आइभ अहिले जनरेटिभ आर्टिफिसियल इंटेलिजेन्स (एआई) डिभाइसमा काम गर्दैछन् । एआई कम्पनी ओपन एआईले आइभ नामक नयाँ डिभाइस बनाउँदै छ ।
यो डिभाइस आईफोनबाट प्रेरित हुने बताइएको छ । वास्तवमा, एप्पलमा काम गर्दा जोनी आइभ पहिले आईफोनको डिजाइन ल्याङ्ग्वेजसँग सम्बन्धित थिए । कम्पनीको पहिलो आईफोन सन् २००७ मा लन्च भएको थियो ।
नयाँ एआई डिभाइसको डिजाइन आइभको कम्पनी लवफ्रॉमले जिम्मा लिनेछ । जनरेटिभ एआई ट्रेन्ड सुरु गर्ने व्यक्ति र पहिलो आईफोन निर्माणमा सहयोग पुर्याउने व्यक्तिको यो साझेदारीले ठूलो र विशेष विकासको संकेत गरेको छ ।
न्यूयोर्क टाइम्सको रिपोर्ट अनुसार, आइभलाई अल्टम्यानसँग एयरबीएनबीका सीईओ ब्रायन चेस्कीमार्फत चिनजान गराइएको थियो । ब्रायन चेस्की पूर्व एप्पल डिजाइन प्रमुखको लवफ्रॉम भेन्चरका सुरुवाती ग्राहकहरूमध्येका एक हुन् । हालसम्म यस प्रोजेक्टबारे धेरै जानकारीहरू सार्वजनिक भएका छैनन् ।
रिपोर्टहरूका अनुसार, हाल यो प्रोजेक्टको टोली निकै सानो छ, जसमा करिब १० जना काम गरिरहेका छन् । यद्यपि, यस सानो टोलीमा केही महत्वपूर्ण र ठूला व्यक्तिहरू समावेश छन् । यसमा ट्याङ ट्यान र इभान्स ह्यान्की जस्ता नामहरू पनि छन् । यी दुवै व्यक्ति गत वर्षसम्म एप्पलका सदस्य थिए । ट्याङ ट्यान र इभान्स ह्यान्कीले एप्पलमा विभिन्न प्रोडक्ट र आईफोन बनाउनमा योगदान पुर्याएका थिए ।
