कमल केसी
आइओइ हल्ट प्राइजको सहयोगमा पुल्चोक गर्ल्सले इम्प्याक्ट म्याराथन आयोजना गर्ने भएको छ । आइओईमा हल्ट प्राइजको सहयोगमा आयोजना गरिएको इम्प्याक्ट म्याराथनको यो दोस्रो संस्करण हो ।
आगामी इम्प्याक्ट म्याराथनका लागि मार्ग पाटनको रमणीय परिदृश्यमा हुनेछ, जसले सहभागीहरूलाई सशक्तिकरण र सकारात्मक प्रभावप्रति संस्थाको प्रतिबद्धता झल्काउने रमणीय यात्रा प्रदान गर्ने आयोजकको भनाइ छ ।
यो म्याराथन पुल्चोक फुटबल मैदान – लबिम मल – पाटनढोका – ज्वागल – युएन पार्क – कुपन्डोल – पुल्चोक फुटबल मैदान रुटमा हुनेछ । इम्प्याक्ट म्याराथन माघ ६ मा आयोजना हुनेछ । ६ किलोमिटरको परिक्रमामा लाग्ने यो रुटले ललितपुरको चाकुपाटको मुटु हुँदै यात्राको अघि बढनेछ । यस कार्यक्रममा सहभागी हुन् यहाँ क्लिक गरी दर्ता गर्नुहोस् ।
पुल्चोक गल्र्स एक समावेशी र सशक्तिकरण समुदाय हो जुन नेतृत्व कौशल विकास गर्ने, व्यावसायिक विकासलाई बढावा दिन र यसका सदस्यहरू बीच लैङ्गिक समानताको वकालत गर्ने उद्देश्यले स्थापना गरिएको हो ।
