आईसीटी समाचार
टेस्ला साइबरट्रक ती थोरै कारहरू मध्येको एक हो, जुन सार्वजनिक भएपछि पनि वर्षौंसम्म चर्चामा छ । कम्पनीले यस कारलाई सन् २०१९ मा प्रस्तुत गरेको थियो, तर यो बजारमा धेरै वर्षको ढिलाइपछि मात्रै आईपुगेको हो ।
रसको चेचन्या पार्टीका नेता रमजान कादिरोभले टेस्लाका सिईओ एलन मस्कमाथि आरोप लगाएका छन् । मस्कले उनको साइबरट्रकलाई रिमोटबाट निष्क्रिय बनाइदिएको उनको आरोप छ । यो साइबरट्रकलाई रूस–युक्रेनबीच भइरहेको युद्धमा पठाइएको थियो ।
कादिरोभले बिहीबार साइबरट्रकलाई युद्धमा पठाएका थिए । त्यसमा मेसिन गन जडान गरिएको थियो र त्यसले युद्धमा राम्रोसँग काम गरिरहेको थियो । शुक्रबार उनले युद्धमा दुई अन्य साईबरट्रक पठाएका छन् ।
मस्कले उपहार दिएको साइबरट्रकलाई रिमोटबाट हाल निष्क्रिय बनाइएको चेचन्या नेताको दावी छ । यद्यपि, मस्कले यस्ता दाबीहरूलाई अस्वीकार गरेका छन् । मस्कले एक्समा लेख्दै भनेका छन्, ‘के तपाईं यति मूर्ख हुनुहुन्छ कि म कुनै रूसी जनरललाई साइबरट्रक उपहार दिन्छु भन्ने लाग्छ ? भन्दै उल्टो प्रश्न गरेका छन् ।
साइबरट्रकलाई रिमोटबाट बन्द गर्न सकिन्छ ?
यहाँ एउटा ठूलो प्रश्न उठ्छ, के टेस्ला साइबरट्रकलाई रिमोटबाट बन्द गर्न सकिन्छ ? टेस्लाले आधिकारिक रूपमा यसबारे कुनै जानकारी दिएको छैन् । यद्यपि, टेस्लाको साइबरट्रकलाई रिमोटबाट बन्द गर्न सकिन्छ । यसको कारण कारको सफ्टवेयर हो ।
यो कार मात्र हार्डवेयरमा निर्भर हुँदैन् । यसको ठूलो भाग सफ्टवेयरमा निर्भर रहेको छ र यस बिना यसलाई चलाउन गाह्रो हुन्छ । टेस्ला आफ्नो कारहरूलाई ओटीए (ओभर द एयर) सफ्टवेयर अपडेटहरू उपलब्ध गराउँछ । यदि कम्पनीले कुनै कारलाई बन्द गर्न चाह्यो भने, सफ्टवेयर अपडेटमार्फत यसो गर्न सक्छ ।
टेस्ला कारका धेरै सुविधाहरूलाई मोबाइल एपबाट पहुँच गर्न सकिन्छ । यदि कार मालिकको फोनको पहुँच ह्याकरहरूले पाए भने, तिनीहरूले कारका ती सुविधाहरूलाई पहुँच गर्न सक्छन् । यो एपको प्रयोग गरेर नै ह्याकरहरूले कारलाई निष्क्रिय पनि बनाउन सक्छन् । यसबाहेक, टेस्लाले चाहेमा आफैँ पनि यी कारहरूलाई रिमोटबाट बन्द गर्न सक्छ ।
जहाँ पारम्परिक कारहरूमा सफ्टवेयरको नाममात्र हुन्छ र कार पूर्ण रूपमा हार्डवेयरमा निर्भर हुन्छ, त्यहाँ आधुनिक कारहरूमा यसको ठीक उल्टो छ । कार हार्डवेयरसँगै सफ्टवेयरमा पनि निकै निर्भर रहन्छ र त्यसैले यी कारहरूलाई निष्क्रिय गर्न सकिन्छ । टेस्ला साइबरट्रकको मूल्य ९३,९०० डलरबाट सुरु हुन्छ ।
