आईसीटी समाचार
काठमाडौं । सामसङ नेपालले आफ्नो नयाँ स्मार्टफोन ‘ग्यालेक्सी एस२६ एफई’ नेपाली बजारमा सार्वजनिक गरेको छ । वन यूआई ९ अपरेटिङ सिस्टमसहित आएको ग्यालेक्सी एस२६ सिरिजको यो पहिलो स्मार्टफोन हो ।
सामसङ नेपालका सिनियर डाइरेक्टर तथा हेड अफ एमएक्स, प्रणय रत्न स्थापितले ग्यालेक्सी एस२६ एफई दैनिक जीवनमा हरेक सुविधाले अर्थपूर्ण फरक पारोस् भन्ने उद्देश्यले डिजाइन गरिएको र यसले एस सिरिजका सुविधाहरू थप ग्राहकसम्म पुर्याउने बताएका छन् ।
८ जीबी र्याम र २५६ जीबी इन्टर्नल स्टोरेज भेरियन्टमा उपलब्ध फोनको अधिकतम मूल्य एक लाख १९ हजार ९९९ रुपैयाँ निर्धारण गरिएको छ । यो फोन पिस्ताचियो, ग्राफाइट र ब्लुबेरी गरी तीन रङमा उपलब्ध गराइएको कम्पनीले बताएको छ । फोनमा ट्रिपल रियर क्यामेरा सेटअप र ३ गुणासम्म अप्टिकल जुमको सुविधा रहेको छ ।
फोनमा ग्यालेक्सी एआईका विभिन्न फिचरहरू दिइएको छ । जसअन्तर्गत ग्यालेक्सी एस२५ सिरिजमा सुरु गरिएको ‘नाउ ब्रिफ’ फिचरलाई थप परिमार्जन गर्दै प्रयोगकर्ताले निर्देशन दिएर आफ्नै ब्रिफिङ कार्डहरू बनाउन सक्ने व्यवस्था मिलाइएको कम्पनीले जनाएको छ ।
फोन खरिद गर्ने ग्राहकलाई सामसङले विभिन्न अफरहरूको व्यवस्था रहेको छ । जसमा पुरानो फोन साट्दा ८ हजारसम्मको थप एक्सचेन्ज बोनस र १८ हजार ३५१ मूल्य बराबरको ६ महिने ‘गुगल एआई प्रो’ सब्सक्रिप्सन नि:शुल्क दिइने कम्पनीले जनाएको छ ।
ग्राहकले इएमआई मार्फत १२ महिना मासिक ६ हजार र २४ महिना मासिक ३ हजार २५६ बाट सुरु हुने सजिलो किस्ताबन्दी सुविधामार्फत पनि फोन खरिद गर्न सक्नेछन् ।
