आईसीटी समाचार
काठमाडौं । स्मार्टफोन ब्रान्ड भिभोले चाडपर्वलाई लक्षित गर्दै ‘तपाईंको सानो साथ, कसैको ठूलो चाड’ भन्ने नारासहित ‘भिभो फेस्टिभ सेयर’ अभियान सार्वजनिक गरेको छ । अभियानमार्फत ग्राहकले स्मार्टफोन खरिदमा १० हजार रुपैयाँसम्मको नगद छुट भौचर, विभिन्न उपहार तथा थाइल्यान्ड भ्रमण जित्ने अवसर पाउने कम्पनीले जनाएको छ ।
१५ असोजदेखि ४ मंसिरसम्म सञ्चालन हुने अभियानअन्तर्गत भिभो स्मार्टफोन खरिद गर्ने योग्य ग्राहकले ‘स्पिन एन्ड विन’ कार्यक्रममा सहभागी भई आकर्षक उपहार जित्न सक्नेछन् । यसमा भिभो स्मार्टफोन, स्पिकर, नेकब्यान्ड, मग तथा एक वर्षसम्मको अतिरिक्त वारेन्टीजस्ता पुरस्कार समावेश छन् ।
कम्पनीका अनुसार अभियानको अर्को आकर्षण बम्पर पुरस्कार हो । ‘स्पिन एन्ड विन’ मा सहभागी हुने प्रत्येक योग्य ग्राहक बम्पर पुरस्कारका लागि स्वत: योग्य हुनेछन् । यसअन्तर्गत दुई जना भाग्यमानी विजेताले थाइल्यान्ड भ्रमण गर्ने अवसर प्राप्त गर्नेछन् ।
अभियानमा १० हजार रुपैयाँसम्मको नगद छुट भौचरलाई विशेष प्राथमिकता दिइएको छ । ग्राहकले यस्तो भौचर आफ्ना साथीभाइ, परिवारका सदस्य वा प्रियजनसँग साटासाट गर्न सक्नेछन् । आफ्नो खरिदबाट प्राप्त लाभ अरूसँग बाँडेर उनीहरूको चाडपर्वलाई पनि विशेष बनाउने उद्देश्यले अभियान ल्याइएको कम्पनीले जनाएको छ ।
चाडपर्वको खुसीलाई उपहार र सहकार्यसँग जोड्ने अवधारणासहित ल्याइएको यस अभियानमा सहभागी हुन ग्राहकले नजिकैको आधिकारिक भिभो स्टोर वा अधिकृत विक्रेताबाट स्मार्टफोन खरिद गर्न सक्नेछन् । त्यसपछि योग्यताअनुसार ‘स्पिन एन्ड विन’मा सहभागी भई विभिन्न पुरस्कार जित्ने अवसर प्राप्त हुनेछ ।
भिभोले यस अभियानमार्फत स्मार्टफोन खरिदलाई केवल व्यक्तिगत आवश्यकता पूरा गर्ने माध्यमका रूपमा मात्र नभई चाडपर्वको खुसी आफन्त र प्रियजनसँग बाँड्ने अवसरका रूपमा प्रस्तुत गरेको छ ।
