आईसीटी समाचार
यूट्युब शर्ट्सले अब वेओ २ एआई मोडेलको समर्थन गर्ने भएको छ । यो सुविधा केही दिनअघि मात्र सार्वजनिक गरिएको हो ।
भिडियो स्ट्रिमिङ प्लेटफर्म गूगलको वेओ २ एआई मोडेललाई ड्रिम स्क्रीन सुविधासँग एकीकृत गरिरहेको छ । यस नयाँ भिडियो निर्माण मोडेलको मद्दतले प्रयोगकर्ताहरू अब स्वतन्त्र एआई–निर्मित भिडियो बनाउन सक्षम हुनेछन् ।
कम्पनीका अनुसार, यो उपकरण त्यस्ता भिडियो फुटेजहरू सिर्जना गर्न मद्दत गर्नेछ, जुन सजिलै उपलब्ध हुँदैनन्, वा कल्पनालाई यथार्थमा बदल्न प्रयोग गर्न सकिन्छ । उल्लेखनीय कुरा के छ भने, यसअघि ड्रिम स्क्रीनले मात्र ब्याकग्राउण्ड भिडियोहरू थप्ने सुविधा प्रदान गथ्र्यो ।
एक ब्लग पोस्टमार्फत यूट्युबले जनाएको छ कि कम्पनीले गूगल डिप माइण्डको नवीनतम भिडियो निर्माण मोडेल वेओ २ लाई ड्रिम स्क्रीनसँग एकीकृत गरिरहेको छ । यस नयाँ सुविधाले प्रयोगकर्ताहरूलाई स्वतन्त्र भिडियो बनाउन अनुमति दिनेछ, जसलाई शर्ट्समा प्रयोग गर्न सकिन्छ ।
कम्पनीका अनुसार, यो सुविधा विशेष गरी तिनै कन्टेन्ट क्रियटरहरुका लागि डिजाइन गरिएको छ, जो यस्ता भिडियो फुटेजहरू सिर्जना गर्न चाहन्छन्, जुन सजिलै उपलब्ध हुँदैनन् ।
वेओ २ कसरी काम गर्छ?
यो उपकरण एक टेक्स्ट–टू–भिडियो (शब्द–देखि–दृश्य) निर्माणकर्ता हो, जसमा प्रयोगकर्ताहरूले केवल टेक्स्टका रूपमा आफ्नो आवश्यक सामग्री प्रविष्ट गर्न सक्छन् । वेओ २ एआई मोडेलले त्यसलाई भिडियोको रूपमा तयार गर्नेछ ।
वेओ २, जुन एक नयाँ भिडियो निर्माण मोडेल हो, डिसेम्बर २०२४ मा वेओ एआई को उत्तराधिकारीका रूपमा सार्वजनिक गरिएको थियो । सुरुवाती घोषणा गर्दा डिप माइण्डले बताएको थियो कि वेओ २ ले निर्माण गरिएका भिडियोहरूमा विवरण र यथार्थता अझ राम्रो बनाएको छ ।
यो एआई मोडेल सिनेमाटोग्राफीमा पनि धेरै सक्षम छ । यसले विभिन्न शैली, लेन्स प्रकार, मुभी ईफेक्ट, र क्यामेरा गतिलाई बुझ्न सक्छ ।
वेओ २ कसरी प्रयोग गर्ने?
वेओ २ को मद्दतले भिडियो बनाउनका लागि प्रयोगकर्ताहरूले पहिले सट्र्स क्यामेरा खोल्नुपर्नेछ । त्यसपछि एडमा ट्याप गरी मिडिया पिकर खोल्नुपर्नेछ र क्रियट विकल्प चयन गर्नुपर्नेछ ।
यहाँ प्रयोगकर्ताहरूलाई एउटा टेक्स्ट एरिया उपलब्ध हुनेछ, जहाँ उनीहरूले आफ्नो सूचना इन्टर गर्न सक्नेछन् । त्यसपछि, उपयुक्त शैली छनोट गरी भिडियो सिर्जना गर्नुहोसमा ट्याप गर्नुपर्नेछ र भिडियोको अवधि तय गर्नुपर्नेछ ।
युट्युबले यो पनि घोषणा गरेको छ कि कम्पनीले सबै एआई–निर्मित भिडियो फुटेजहरूमा सिंथ आईडी वाटरमार्क थप्नेछ, जसले डिप फेक जस्ता समस्याहरूलाई रोक्न मद्दत गर्नेछ ।
हाल यो नयाँ भिडियो निर्माण सुविधा अष्ट्रेलिया, क्यानडा, न्युजिल्यान्ड, र अमेरिका मा उपलब्ध छ ।
