आईसीटी समाचार
एलन मस्कको स्टार्टअप न्यूरोटेक्नोलोजी न्यूरालिंकले कम्पनीको ब्रेन–कम्प्युटर इन्टरफेस डिभाइसलाई दोस्रो बिरामीको ब्रेनमा सफल रूपमा इम्प्लान्ट गरेको छ । यसअघि पनि पक्षघातको एउटा विरामीमा ब्रेन–कम्प्युटर इन्टरफेस डिभाइसको सफल परीक्षण भइसकेको छ ।
मस्कको कम्पनी न्यूरालिंकले पक्षघात भएका बिरामीहरूको मद्दत गर्नका लागि एक विशेष डिभाइसमा काम गरिरहेको छ, जसले स्पाइनल कर्ड इन्जरी भएका बिरामीहरूलाई डिजिटल डिभाइसले नियन्त्रण गर्न मद्दत गर्नेछ ।
यस नयाँ डिभाइससँग पहिलो बिरामी नोल्याण्ड अरबाउलाई विभिन्न कार्यहरू प्रदर्शन गर्न मद्दत मिलिरहेको मस्कले बताएका छन् । यसले भिडियो गेम खेल्न, इन्टरनेट ब्राउजिङ गर्न, सामाजिक सञ्जालमा पोष्ट सेयर गर्न र ल्यापटपमा कर्सर मुभ गर्न सक्षम बनाएको छ ।
यो सबै काम अरबाउले ड्रप्लिजिक नामक रोगबाट पीडित हुँदाहुँदै गर्न सकिरहेका छन् । अरबाउको शरीर घाँटीको तल्लो भागबाट पक्षघातग्रस्त छ । मस्कले दोस्रो बिरामीलाई लिएर अहिलेसम्म धेरै जानकारी दिएका छैनन् । उनले भनेका छन् कि नयाँ बिरामीलाई पनि अरबाउ जस्तै स्पाइनल कर्ड इन्जुरी छ । उनी पनि पक्षघातबाट पीडित छन् ।
दोस्रो बिरामीको मस्तिष्कमा इम्प्लान्ट गरिएको ४०० इलेक्ट्रोड ठीकसँग काम गरिरहेको बताइएको छ । न्यूरालिंकको डिभाइस कुल १,०२४ इलेक्ट्रोडबाट सुसज्जित छ, जसले ब्रेनका सिग्नलहरू क्याप्चर र ट्रान्समिट गर्नको लागि डिजाइन गरिएको छ ।
